സിനിമാ ചിത്രീകരണത്തിനിടെ കൃഷ്ണമൃഗത്തെ വേട്ടയാടിയ കേസില് അഞ്ച് വര്ഷത്തേക്ക് ശിക്ഷിക്കപ്പെട്ട ബോളിവുഡ് നടന് സല്മാന് ഖാന് നല്കിയ ജാമ്യാപേക്ഷയില് വിധി നാളെ... സല്മാന് വേണ്ടി കോടതിയില് ഹാജരാകരുതെന്ന് ആവശ്യപ്പെട്ട് തനിക്ക് ഭീഷണി സന്ദേശങ്ങള് ലഭിച്ചതായി താരത്തിന്റെ അഭിഭാഷകന്
06 APRIL 2018 12:05 PM IST
മലയാളി വാര്ത്ത
സിനിമാ ചിത്രീകരണത്തിനിടെ കൃഷ്ണമൃഗത്തെ വേട്ടയാടിയ കേസില് അഞ്ച് വര്ഷത്തേക്ക് ശിക്ഷിക്കപ്പെട്ട ബോളിവുഡ് നടന് സല്മാന് ഖാന് നല്കിയ ജാമ്യാപേക്ഷയില് വിധി നാളെ. ജോധ്പുര് സെഷന്സ് കോടതിയാണ് സല്മാന്റെ ജാമ്യാപേക്ഷ പരിഗണിക്കുന്നത്.
അതേസമയം, സല്മാന്് വേണ്ടി കോടതിയില് ഹാജരാകരുതെന്ന് ആവശ്യപ്പെട്ട് തനിക്ക് ഭീഷണി സന്ദേശങ്ങള് ലഭിച്ചതായി താരത്തിന്റെ അഭിഭാഷകന് മഹേഷ് ബോറ പറഞ്ഞു.1998 ഒക്ടോബര് ഒന്ന്, രണ്ട് തീയതികളിലായി ഹം സാഥ് സാഥ് ഹെ എന്ന ഹിന്ദി സിനിമയുടെ ചിത്രീകരണത്തിനിടെ ജോധ്പൂരിന് സമീപമുള്ള കങ്കാണി ഗ്രാമത്തില് രണ്ട് കൃഷ്ണമൃഗങ്ങളെ സല്മാനും സുഹൃത്തുക്കളും ചേര്ന്ന് വെടിവച്ചു കൊന്നെന്നാണ് കേസ്.
കേസില് സല്മാനെ അഞ്ച് വര്ഷത്തേക്ക് ശിക്ഷിച്ചപ്പോള് മറ്റ് പ്രതികളായ സെയ്ഫ് അലിഖാന്, സോണാലി ബിന്ദ്രെ, തബു എന്നിവരെ കോടതി വെറുതെ വിട്ടു.
അപ്പപ്പോഴുള്ള വാര്ത്തയറിയാന് ഞങ്ങളുടെ ഫേസ്ബുക്ക് പേജ് LIKE ചെയ്യുക
https://www.facebook.com/Malayalivartha
https://www.facebook.com/Malayalivartha
