കര്ണാടകയില് ബിജെപിക്കു വന് തിരിച്ചടി ;ലിംഗായത്ത് ഗുരുക്കന്മാര് കോണ്ഗ്രസിനും മുഖ്യമന്ത്രി സിദ്ധരാമയ്യയ്ക്കും പിന്തുണ പ്രഖ്യാപിച്ചു
നിയമസഭാ തെരഞ്ഞെടുപ്പ് അടുത്തിരിക്കെ കര്ണാടകയില് ബിജെപിക്കു വന് തിരിച്ചടി. ലിംഗായത്ത് വിഭാഗത്തിലെ 30 പ്രമുഖ ഗുരുക്കന്മാര് കോണ്ഗ്രസിനും മുഖ്യമന്ത്രി സിദ്ധരാമയ്യയ്ക്കും പിന്തുണ പ്രഖ്യാപിച്ചു. ലിംഗായത്തിനെ പ്രത്യേക മതമായി അംഗീകരിക്കാനുള്ള കര്ണാടക സര്ക്കാരിന്റെ തീരുമാനത്തിനുള്ള പ്രതിഫലമായാണ് പിന്തുണ.
സിദ്ധരാമയ്യ ഞങ്ങളുടെ ആവശ്യത്തെ പിന്തുണച്ചു, ഇപ്പോള് ഞങ്ങള് അദ്ദേഹത്തെ പിന്തുണയ്ക്കുന്നു- ഉത്തര കര്ണാടകയില് ഏറെ സ്വാധീനമുള്ള ലിംഗായത്ത് നേതാവ് മാതാ മഹാദേവി പറഞ്ഞു. തങ്ങളെ പിന്തുണയ്ക്കുന്നവരെ തങ്ങളും പിന്തുണയ്ക്കുമെന്ന് മറ്റൊരു ലിംഗായത്ത് ആചാര്യനായ മുരുഗരാജേന്ദ്ര സ്വാമി പറഞ്ഞു. ലിംഗായത്തിന് പ്രത്യേക മത പദവി ആവശപ്പെട്ട് ഇദ്ദേഹം ബിജെപി അധ്യക്ഷന് അമിത് ഷായ്ക്ക് മെമ്മോറാണ്ടം സമര്പ്പിച്ചിരുന്നു. ഇതടക്കമുള്ള ആവശ്യങ്ങളോടു ബിജെപി നേതൃത്വം അനുകൂല നിലപാട് സ്വീകരിക്കാത്തതിനെ തുടര്ന്നാണ് ലിംഗായത്ത് നേതൃത്വം പരസ്യപ്രതികരണത്തിലേക്കു തിരിഞ്ഞതെന്നാണു കരുതപ്പെടുന്നത്.
സംസ്ഥാന ജനസംഖ്യയുടെ 17 ശതമാനത്തോളം വരുന്ന ലിംഗായത്തുകള് ബിജെപിയുടെ പ്രബല വോട്ടുബാങ്കായാണു കരുതപ്പെടുന്നത്. വീരശൈവ ലിംഗായത്ത് വിഭാഗത്തില്പ്പെടുന്നവര് കര്ണാടകയില് ഒന്നര കോടിയോളമുണ്ട്. നിലവിലെ കര്ണാടക നിയമസഭയില് 224 അംഗങ്ങളില് 52 പേര് വീരശൈവ ലിംഗായത്ത് സമുദായാംഗങ്ങളാണ്. നൂറിലധികം മണ്ഡലങ്ങളില് ജയപരാജയങ്ങള് നിര്ണയിക്കാന് സ്വാധീനമുള്ളവരാണ് ഇവരെന്നും കണക്കാക്കപ്പെടുന്നു. ഉത്തരകര്ണാടകയാണ് ഈ വിഭാഗങ്ങളുടെ ശക്തികേന്ദ്രം. ഇവരുടെ പിന്തുണ നഷ്ടപ്പെട്ടാല് ബിജെപിക്കു കനത്ത തിരിച്ചടിയുണ്ടാകുമെന്നാണ് വിലയിരുത്തപ്പെടുന്നത്.
ബിജെപിയും ആര്എസ്എസും വീരശൈവ ലിംഗായത്ത് വിഭാഗം ഹിന്ദുമതത്തില് തുടരണമെന്നാഗ്രഹിക്കുന്നവരാണ്. പ്രത്യേക മതവിഭാഗമായി മാറുന്നത് ഹൈന്ദവ ശക്തീകരണത്തിനു തിരിച്ചടിയാകുമെന്നാണ് ഇവരുടെ വാദം
https://www.facebook.com/Malayalivartha
