ഗതിനിര്ണയ ഉപഗ്രഹം ഐ.ആര്.എന്.എസ്.എസ്. ഒന്ന്ഐ വിജയകരമായി വിക്ഷേപിച്ചു; 'നാവിക്' പരമ്ബരയിലെ എട്ടാമത്തെ ഉപഗ്രഹമാണ് ഐ.ആര്.എന്.എസ്.എസ്. ഒന്ന്ഐ
ഗതിനിര്ണയ ഉപഗ്രഹമായ ഐ.ആര്.എന്.എസ്.എസ്. ഒന്ന്ഐ വിജയകരമായി വിക്ഷേപിച്ചു. പി.എസ്.എല്.വി. ഉപയോഗിച്ച് നടത്തുന്ന 43ാമത് വിക്ഷേപണമാണിത്.പുലര്ച്ചെ 4.04ന് ശ്രീഹരിക്കോട്ടയിലെ സതീഷ് ധവാന് ബഹിരാകാശ കേന്ദ്രത്തില് നിന്നായിരുന്നു വിക്ഷേപണം.
36 മണിക്കൂര് നീണ്ട കൗണ്ട്ഡൗണിന് ശേഷമായിരുന്നു വിക്ഷേപണം. ഇന്ത്യയുടെ സ്വന്തം ഗതിനിര്ണയ സംവിധാനം എന്ന ലക്ഷ്യം മുന്നിര്ത്തിയുള്ള 'നാവിക്' പരമ്ബരയിലെ എട്ടാമത്തെ ഉപഗ്രഹമാണ് ഐ.ആര്.എന്.എസ്.എസ്. ഒന്ന്ഐ. പി.എസ്.എല്.വി. എക്സ്.എല്. റോക്കറ്റ് ഉപയോഗിച്ചായിരുന്നു 1,425 കിലോഗ്രാം ഭാരമുള്ള ഉപഗ്രഹത്തിന്റെ വിക്ഷേപണം.
വിക്ഷേപണത്തറയില് നിന്ന് കുതിച്ച് 19 മിനിറ്റ് 20 സെക്കന്ഡുകള്ക്കുള്ളില് ഉപഗ്രഹം ഭ്രമണപഥത്തിലെത്തി. ഓഗസ്റ്റില് വിക്ഷേപിച്ച ഐ.ആര്.എന്.എസ്.എസ്. ഒന്ന്എച്ച് പരാജയമായിരുന്നു. ഇതിന് പകരമാണ് ഐ.ആര്.എന്.എസ്.എസ്. ഒന്ന്ഐ. വിക്ഷേപിക്കുന്നത്.
കരയിലൂടെയും വെള്ളത്തിലൂടെയും ആകാശത്തിലൂടെയുമുള്ള യാത്രയ്ക്ക് സഹായം നല്കുകയാണ് നാവിഗേഷന് ഉപഗ്രഹങ്ങളുടെ ദൗത്യം. നിലവില് അമേരിക്കയ്ക്കും റഷ്യക്കും യൂറോപ്പിനും ജപ്പാനുമാണ് ഈ ഉപഗ്രഹ സംവിധാനമുള്ളത്. നാവിക് പരമ്ബരയിലൂടെ ഇന്ത്യയ്ക്കും സ്വന്തം ഗതിനിര്ണയ സംവിധാനം യാഥാര്ഥ്യമാക്കാനാണ് ശ്രമം.
https://www.facebook.com/Malayalivartha
