കൂട്ടബലാത്സംഗത്തിനിരയാക്കി എട്ടുവയസുകാരിയെ കൊലപ്പെട്ടുത്തിയ കേസിലെ വിചാരണയ്ക്കായി പ്രത്യേക അതിവേഗ കോടതി സ്ഥാപിക്കണമെന്ന് ജമ്മു കാഷ്മീര്‍ മുഖ്യമന്ത്രി മെഹബൂബ മുഫ്തി. ഇക്കാര്യം ജമ്മു കാശ്മീര്‍ ഹൈക്കോടതി ചീഫ് ജസ്റ്റീസിനോട് ആവശ്യപ്പെട്ടതായും അവര്‍ അറിയിച്ചു.

ഇക്കഴിഞ്ഞ ജനുവരി 10നാണ് കേസിനാസ്പദമായ സംഭവം നടന്നത്. രണ്ടു പോലീസുകാര്‍ ഉള്‍പ്പെടെ എട്ടു പേരെ കേസില്‍ നേരത്തെ അറസ്റ്റ് ചെയ്തിരുന്നു. വീടിന് സമീപത്ത് നിന്ന് കാണാതായ പെണ്‍കുട്ടിയെ എട്ട് ദിവസത്തിന് ശേഷം വനപ്രദേശത്തായിരുന്നു കൊല്ലപ്പെട്ട നിലയില്‍ കണ്ടെത്തിയത്. റവന്യൂ ഉദ്യോഗസ്ഥനും പോലീസ് ഉദ്യോഗസ്ഥനും അടങ്ങുന്ന സംഘമാണ് കുട്ടിയെ ക്രൂരമായി പീഡിപ്പിച്ച് കൊന്നത്. സംഭവത്തില്‍ പോലീസ് സമര്‍പ്പിച്ച കുറ്റപത്രത്തിലെ ഞെട്ടിക്കുന്ന വിവരങ്ങള്‍ കഴിഞ്ഞ ദിവസമാണ് പുറത്ത് വന്നത്. 

കുട്ടിയെ എട്ട് ദിവസത്തോളം ആഹാരം നല്‍കാതെ ബന്ദിയാക്കുകയും ഇടയ്ക്കിടെ മയക്കുമരുന്ന് കുത്തി മയക്കുകയും ചെയ്തു. ഇക്കാലയളവില്‍ പോലീസ് ഉള്‍പ്പെടെയുള്ളവര്‍ മാറിമാറി പീഡിപ്പിച്ചു. ഒടുവില്‍ മൃതപ്രായയായ പെണ്‍കുട്ടിയെ കൊലപ്പെടുത്തുകയായിരുന്നു. ബ്രാഹ്മണര്‍ക്ക് ആധിപത്യമുള്ള പ്രദേശത്താണ് പെണ്‍കുട്ടിയുടെ കുടുംബം ഉള്‍പ്പെടുന്ന മുസ്ലീം നാടോടി കുടുംബങ്ങള്‍ താമസിച്ചിരുന്നത്. ഇവരെ ഇവിടെ നിന്നും ഭയപ്പെടുത്തി ഓടിക്കുന്നതിന് വേണ്ടിയാണ് പെണ്‍കുട്ടിയെ പീഡിപ്പിച്ച് കൊന്നത്. ല