ഉത്തർപ്രദേശിൽ സ്ത്രീകൾക്കെതിരെയുള്ള അതിക്രമം തുടർക്കഥയാകുന്നു.  ഉത്തർപ്രദേശിലെ കാൺപൂരിൽ പെൺകുട്ടിയെ ജീവനോടെ കത്തിച്ചു. കാ​ണ്‍​പു​രി​ല്‍ ദെ​ഹാ​ത് ജി​ല്ല​യി​ലെ ബൈ​ന​എന്ന സ്ഥലത്ത് ശ​നി​യാ​ഴ്ച രാ​ത്രി​യാ​യി​രു​ന്നു സം​ഭ​വം. പൊതുപൈപ്പിൽ നിന്നും വെള്ളം എടുക്കാൻ ശ്രമിച്ച  പ്രായപൂർത്തിയാവാത്ത പെൺകുട്ടിയെ മർദ്ദിച്ച് അവശയാക്കിയ ശേഷമാണ് കത്തിച്ചത്.

ബൈ​ന​യി​ലെ ര​മേ​ഷ് ബാ​ബു ധോ​രെയുടെ മ​ക​ൾ നി​ധി ധോരെ​യാ​ണ് അ​തി​ക്ര​മ​ത്തി​നു ഇ​ര​യാ​യ​ത്. അ​ഞ്ചു പേ​ർ ചേ​ർ​ന്നാ​ണ് നി​ധി​യെ ആ​ക്ര​മി​ച്ച​ത്. ഗു​രു​ത​രമായി ​പ​രി​ക്കേ​റ്റ പെൺകുട്ടി ​ തീവ്രപരിചരണ വിഭാഗത്തില്‍ ചികിത്സയിലാണ്.

കു​ഴ​ൽ​ക്കി​ണ​റി​ൽ​നി​ന്നും വെ​ള്ളം എ​ടു​ക്കാ​ൻ ശ്ര​മി​ച്ച നി​ധി​യെ അഞ്ചംഗ സംഘം ത​ട​യു​ക​യാ​യി​രു​ന്നു. വെ​ള്ളം എ​ടു​ക്ക​രു​തെ​ന്നു ക​ർ​ശ​ന​മാ​യി പ​റ​ഞ്ഞെ​ങ്കി​ലും നി​ധി ഇ​ത് അ​വ​ഗ​ണി​ച്ചു. ഇ​തോ​ടെ യു​വാ​ക്ക​ൾ പെ​ൺ​കു​ട്ടി​യെ മ​ർ​ദി​ക്കു​ക​യാ​യി​രു​ന്നു. അ​വ​ശ​യാ​യ പെ​ൺ​കു​ട്ടി​യെ പിന്നീട് മ​ണ്ണെ​ണ്ണ ഒ​ഴി​ച്ച് ക​ത്തി​ക്കു​ക​യും ചെ​യ്തു. സം​ഭ​വ​ത്തി​നു ശേ​ഷം പ്ര​തി​ക​ൾ ക​ട​ന്നു​ക​ള​ഞ്ഞു. നി​ല​വി​ളി​കേ​ട്ടെ​ത്തി​യ അ​യ​ൽ​വാ​സി​ക​ളാ​ണ് പെൺകുട്ടിയയെ ആ​ശു​പ​ത്രി​യി​ലെ​ത്തി​ച്ച​ത്.

പെണ്‍കുട്ടിയെ ആക്രമിച്ച അഞ്ചു പേരില്‍ മൂന്നു പേരെ തിരിച്ചറിഞ്ഞിട്ടുണ്ട്. ബീരു, സോനു, നീരജ് എന്നിവരെയാണ് തിരിച്ചറിഞ്ഞത്. സംസ്ഥാനത്ത് സത്രീകള്‍ക്ക് നേരെയുള്ള അതിക്രമങ്ങള്‍ പൊറുക്കാനാവില്ലെന്നും ഉന്നാവ വിഷയത്തില്‍ നടപടിയുണ്ടാകുമെന്നും യുപി മുഖ്യമന്ത്രി യോഗി ആദിത്യനാഥ് വ്യക്തമാക്കി മണിക്കൂറുകള്‍ കഴിയുന്നതിന് മുന്‍പേയാണ് സംസ്ഥാനത്ത് നിന്ന് മറ്റൊരു കൊടും ക്രൂരത പുറത്തുവരുന്നത്.