മകളെ കൂട്ട ബലാത്സംഗത്തിന് ഇരയാക്കിയവരിൽ നിന്ന് കേസ് ഒതുക്കിത്തീർക്കാൻ വന്തുക കൈക്കൂലി ; തന്റെ മാനത്തിന് വില പറഞ്ഞ രക്ഷിതാക്കളെ തെളിവ് സഹിതം കുടുക്കി പെൺകുട്ടി
മകളെ പീഡിപ്പിച്ചവരില് നിന്നും കേസ് ഒതുക്കിതീര്ക്കാന് കൈക്കൂലി വാങ്ങിയ മാതാപിതാക്കള്ക്കെതിരെ പൊലീസ് കേസെടുത്തു. പതിനെട്ടുകാരിയായ പെണ്കുട്ടിയുടെ പരാതിയില് മാതാവിനെ പോലീസ് അറസ്റ്റ് ചെയ്തു. പെൺകുട്ടിയുടെ പിതാവിന് വേണ്ടിയുള്ള തിരച്ചില് തുടരുകയാണ്.
കൂട്ട ബലാത്സംഗത്തിന് പിടിയിലായ പ്രതികളില് നിന്നും വന്തുക കൈക്കൂലി കൈപ്പറ്റി കേസ് പിന്വലിക്കാനും മൊഴി മാറ്റാനും നിര്ബ്ബന്ധിച്ച രക്ഷിതാക്കൾക്കെതിരെ പെണ്കുട്ടി പോലീസില് പരാതി നല്കി. കുറ്റവാളികളില് ഒരാളില് നിന്നും മാതാപിതാക്കള് അഡ്വാന്സായി വാങ്ങിയ അഞ്ചു ലക്ഷം രൂപയുമായാണ് പെണ്കുട്ടി പോലീസില് പരാതി നല്കാനെത്തിയത്.
2017 ല് നടന്ന സംഭവത്തില് കേസ് പിന് വലിക്കാനും മൊഴി മാറ്റിപ്പറയാനും മകളെ നിര്ബ്ബന്ധിക്കാന് ഇടക്കാല ജാമ്യം നേടിയ പ്രതികളില് ഒരാള് മാതാപിതാക്കള്ക്ക് വാഗ്ദാനം ചെയ്തത് 20 ലക്ഷം രൂപയായിരുന്നു. അഡ്വാന്സ് തുക സ്വീകരിച്ച മാതാപിതാക്കള് മൊഴിമാറ്റി കേസ് പിന് വലിച്ചില്ലെങ്കില് കൊന്നു കളയുമെന്നായിരുന്നു മകളെ ഭീഷണിപ്പെടുത്തിയത്. സംഭവത്തില് അഞ്ചു ലക്ഷം അഡ്വാന്സായി മാതാപിതാക്കള് വാങ്ങുകയും ചെയ്തു. രണ്ടു പേര് ചേര്ന്ന് പെണ്കുട്ടിയെ ക്രൂരമായി മാനഭംഗം നടത്തിയ കേസില് അറസ്റ്റിലായ പ്രതികളില് ഒരാള് ഇടക്കാല ജാമ്യം നേടി പുറത്തുണ്ടായിരുന്നു. ഇയാളാണ് മൊഴി മാറ്റാനും കേസ് പിന് വലിക്കാനും പെണ്കുട്ടിയെക്കൊണ്ടു സമ്മതിപ്പിക്കാന് മാതാപിതാക്കള്ക്ക് പണം വാഗ്ദാനം ചെയ്തത്.
യുവതി ഇക്കാര്യം നിഷേധിച്ചപ്പോള് മര്ദ്ദിക്കുകയും കൊല്ലുമെന്ന് ഭീഷണിപ്പെടുത്തുകയും ചെയ്തു. ഇതിനിടയിലാണ് മാതാപിതാക്കള് പണം കൈപ്പറ്റിയത്. ഇതോടെ പെണ്കുട്ടി പോലീസിനെ സമീപിക്കുകയും കാര്യം ബോധിപ്പിക്കുകയുമായിരുന്നു. കേസ് പിന്വലിക്കുന്നതിന് വേണ്ടി പ്രതികള് മാതാപിതാക്കള്ക്ക് നല്കിയ പണം സഹിതമാണ് പെണ്കുട്ടി സ്റ്റേഷനിലെത്തിയത്. തന്നെ അജ്ഞാതരായ രണ്ടു പേര് തട്ടിക്കൊണ്ടുപോയി ബലാത്സംഗം ചെയ്ത ശേഷം വഴിയരികില് തള്ളിയെന്ന പെണ്കുട്ടിയുടെ പരാതിയില് പോലീസ് അന്വേഷണം നടന്നു വരികയാണ്.
https://www.facebook.com/Malayalivartha
