തൂത്തുക്കുടി സ്​റ്റെര്‍ലൈറ്റ്​ കമ്ബനിക്കെതിരായ പ്രക്ഷോഭവുമായി ബന്ധപ്പെട്ട്​ പൊലീസ്​ വെടിവെപ്പിലേക്ക്​ നയിച്ച സാഹചര്യം വ്യക്തമാക്കണമെന്ന്​ തമിഴ്​നാട്​ സര്‍ക്കാറി​നോട്​ മദ്രാസ്​ ഹൈകോടതിയുടെ മധുര ബെഞ്ച്​ ആവശ്യപ്പെട്ടു. ഇതുമായ ബന്ധപ്പെട്ട വിശദമായ റിപ്പോര്‍ട്ട്​ സമര്‍പ്പിക്കാനാവശ്യപ്പെട്ട കോടതി ജൂണ്‍ ആറിലേക്ക്​ കേസ്​ മാറ്റിവെച്ചു.

മധുര അഡ്വ. മുത്തുഅമുതനാഥന്‍, തൂത്തുക്കുടി കന്തകുമാര്‍ എന്നിവരാണ്​ തമിഴ്​നാട്​ ഡി.ജി.പി ഉള്‍പ്പടെയുള്ള ഉദ്യോഗസ്​ഥരുടെ പേരില്‍ കൊലക്കുറ്റത്തിന്​ കേസെടുക്കണമെന്നും കേസന്വേഷണത്തിന്​ പ്രത്യേക സമിതിയെ നിയോഗിക്കണമെന്നും ആവശ്യപ്പെട്ട്​ ഹരജി സമര്‍പ്പിച്ചത്​. വെള്ളിയാഴ്​ച ജസ്​റ്റിസുമാരായ എം.വി. മുരളീധരന്‍, ടി. കൃഷ്​ണവള്ളി എന്നിവര്‍ ഹരജി പരിഗണിച്ചു.

തമിഴ്​നാട്​ സര്‍ക്കാറിനുവേണ്ടി ഹാജരായ അഡീഷനല്‍ അഡ്വക്കറ്റ്​ ജനറല്‍ ചെല്ലപാണ്ഡ്യന്‍ തമിഴ്​നാട്​ സര്‍ക്കാര്‍ റിട്ട. ജസ്​റ്റീസി​​െന്‍റ നേതൃത്വത്തില്‍ ഏകാംഗ കമീഷനെ നിയോഗിച്ചതായി അറിയിച്ചു.

നിബന്ധനകള്‍ പാലിച്ചിട്ടാണോ​ പൊലീസ്​ വെടിവെപ്പ്​ നടത്തിയതെന്ന്​ കോടതി ആരാഞ്ഞു. ഇക്കാര്യം സര്‍ക്കാര്‍ നിയോഗിച്ച അന്വേഷണ കമീഷന്‍ കണ്ടെത്തുമെന്നായിരുന്നു അഡീഷനല്‍ അഡ്വക്കറ്റ്​ ജനറല്‍ ​അറിയിച്ചത്​. എന്നാലിത്​ കോടതി അംഗീകരിച്ചില്ല. മേയ്​ 22നാണ്​ തൂത്തുക്കുടിയില്‍ നടന്ന പൊലീസ്​ വെടിവെപ്പില്‍ 13 പേര്‍ കൊല്ലപ്പെട്ടത്​.