ഭാര്യയ്ക്ക് കാമുകനെ വിട്ടുപിരിയാനാകുന്നില്ല; അറിഞ്ഞ സമയത്ത് രണ്ടിനെയും കൊന്നുകളയാനാണ് തോനിയത്; എന്നാല്‍ അവരെ ആശ്രയിച്ച് കഴിയുന്നവരെ ഒര്‍ത്ത് ഒരു തീരുമാനമെടുത്തു; വിവാഹം നടന്നതിന്റെ മൂന്നാം മാസം ഭാര്യയെ കാമുകന് വിവാഹം ചെയ്തു കൊടുത്ത് ഭര്‍ത്താവ്
ഭര്‍ത്താവ് ഭാര്യയെ മൂന്‍ കാമുകന് വിവാഹം കഴിച്ചു കൊടുത്തു. സംഭവം നടന്നത് കാണ്‍പൂരില്‍. സുജിത്(ഗോലു) എന്ന യുവാവ് തന്റെ ഭാര്യയായ ശാന്തിയെ കാമുകന് രവിക്ക് വിവാഹം ചെയ്തുകൊടുത്തു. ലോകത്ത് അധികം സംഭവിക്കാത്ത കാര്യങ്ങളില്‍ അപൂര്‍വ്വ സംഭവം നടന്നത് വിവാഹം കഴിഞ്ഞ് വെറും മൂന്ന് മാസത്തിന് ശേഷം. കാണ്‍പൂരിലെ സാനിഗ്വാന്‍ ഗ്രാമത്തില്‍ ബുധനാഴ്ചയായിരുന്നു ഗോലുവിന്റെ മേല്‍നോട്ടത്തില്‍ ഭാര്യയായിരുന്ന ശാന്തിയുടെ വിവാഹം ലക്‌നൗവിലെ ഗോസെയ്ന്‍ഗഞ്ചുകാരനും മുന്‍ കാമുകനുമായ രവിയുമായി ഗോലു നടത്തിക്കൊടുത്തത്. സാനിഗ്വാന്‍ കാരനായ സുജിത് ശ്യാംനഗറുകാരി ശാന്തിയെ വിവാഹം കഴിച്ചത് ഫെബ്രുവരി 19 നായിരുന്നു. എല്ലാ ചടങ്ങുകളോടും കൂടിയായിരുന്നു വിവാഹം. എന്നാല്‍ വിവാഹരാത്രിയുടെ പിറ്റേന്ന് തന്നെ ശാന്തി ചില മുടന്തന്‍ ന്യായം പറഞ്ഞ് സുജിത് എന്ന ഗോലുവിന്റെ വീട്ടില്‍ നിന്നും സ്വന്തം വീട്ടിലേക്ക് തിരിച്ചു പോരുകയായിരുന്നു.
പിന്നീട് ശാന്തി മടങ്ങിവരാതിരുന്നതോടെ കാരണം അന്വേഷിച്ച് സുജിത്ത് ചെന്നു. എന്താണ് തിരിച്ചു വരാത്തത് എന്ന സുജിത്തിന്റെ ചോദ്യത്തില്‍ ശാന്തി ഒഴിഞ്ഞു മാറുകയായിരുന്നു. ഒടുവില്‍ ഒരു കാര്യം അറിയാതെ സുജിത്ത് പിന്‍വാങ്ങില്ലെന്നുറപ്പുവന്നതോടെ ശാന്തി എല്ലാം തുറന്നുപറയുകയായിരുന്നു. താന്‍ ലക്‌നൗവ്വിലുള്ള രവി എന്ന യുവാവുമായി കടുത്ത പ്രണയത്തിലായിരുന്നു എന്നും അതിനിടയിലാണ് വീട്ടുകാരുടെ നിര്‍ബ്ബന്ധത്തിന് വഴങ്ങി സുജിത്തിനെ വിവാഹം കഴിച്ചതെന്നും രവിയെ മറക്കാന്‍ കഴിയില്ലെന്നും അവള്‍ പറഞ്ഞു. ഇക്കാര്യം പിന്നീട് വിശദമായി അന്വേഷിച്ച സുജിത്ത് കാമുകനുമായുള്ള വിവാഹം നടത്തിക്കൊടുക്കാമെന്ന് ശാന്തിക്ക് വാക്കു കൊടുക്കുകയായിരുന്നു. രവിയെയും എല്ലാ വീട്ടുകാരേയും പറഞ്ഞു മനസ്സിലാക്കിയ ശേഷം രവിയുമായി ശാന്തിയുടെ വിവാഹം എല്ലാവരുടേയും അനുമതിയോടെയാണ് സുജിത്ത് നടത്തിക്കൊടത്തത്.
ഇക്കാര്യം അറിഞ്ഞ ഉടന്‍ സുജിത്ത് ആദ്യം പോയത് രവിയുടെ അരികിലേക്കാണ്. ശാന്തിയുമായുള്ള ബന്ധത്തെക്കുറിച്ച് അയാളും വ്യക്തമാക്കി. രണ്ടു പേരും പറഞ്ഞത് മനസ്സിലാക്കിയ ശേഷം സുജിത്ത് പോയത് സമീപത്തെ പോലീസ് സ്‌റ്റേഷനിലേക്കായിരുന്നു. തുടര്‍ന്ന് ബുധനാഴ്ച സാനിഗ്വാനിലെ ഹനുമാന്‍ ക്ഷേത്രത്തില്‍ അതിഥികളുടെ ഒരു വലിയ കൂട്ടത്തിന് മുന്നില്‍ വെച്ച് തന്റെ നേതൃത്വത്തില്‍ തന്നെ സുജിത്ത് വിവാഹം നടത്തുകയും ചെയ്തു.'സംഭവം അറിഞ്ഞപ്പോള്‍ ആദ്യം തോന്നിയത് രണ്ടിനേയും കൊന്നുകളയാനായിരുന്നു. എന്നാല്‍ അങ്ങിനെ ചെയ്താല്‍ മൂന്ന് പേരുടെ ജീവിതം അതോടെ തീരുകയും അവരെ ആശ്രയിച്ചു ജീവിക്കുന്ന മറ്റുള്ളവരുടെ കുടുംബങ്ങളെയും ബാധിക്കുമെന്ന തിരിച്ചറിവ് എന്നെ ഇത്തരമൊരു തീരുമാനമെടുക്കാന്‍ കാരണമായതെന്നാണ് സുജിത്ത് പറയുന്നത്‌
https://www.facebook.com/Malayalivartha
