പരീക്ഷക്കെത്താൻ വൈകിയതിനാൽ ഹാളിലേക്ക്​ പ്രവേശിപ്പിക്കാത്തതിൽ മനം നൊന്ത്​ 28കാരൻ ആത്മഹത്യ ചെയ്​തു. കർണാടകക്കാരനായ വരുൺ എന്ന വിദ്യാർഥിയാണ്​ രാജേന്ദ്ര നഗറിലുള്ള വാടക മുറിയിൽ തൂങ്ങി മരിച്ചത്​.ഇന്നലെ നടന്ന യു.പി.എസ്​.സി സിവിൽ സർവീസ്​ പ്രിലിമിനറി പരീക്ഷയെഴുതാൻ ഉത്തര ഡൽഹിയിലെ പഹഡ്​ഗഞ്ചിലുള്ള പരീക്ഷാസന്റെറിൽ എത്തിയെങ്കിലും ഹാളിൽ പ്രവേശിക്കാനുള്ള സമയം വൈകിയതിനാൽ അധികൃതർ തടയുകയായിരുന്നു. ഏറെ നാളായി ഇൗ പരീക്ഷ മുന്നിൽ കണ്ട്​ കഠിന പരിശ്രമം നടത്തി വരുകയായിരുന്നു വരുൺ. മൃതദേഹത്തിനരികിൽ നിന്ന്​ പൊലീസ് ആത്മഹത്യ കുറിപ്പ്​ കണ്ടെടുത്തിട്ടുണ്ട്​.വരുണി​ന്റെ ഫോണിലേക്ക്​ പല തവണ വിളിച്ചിട്ടും എടുക്കാത്തതിനാൽ വീട്ടിൽ വന്നു നോക്കിയ കൂട്ടുകാരിയാണ്​ ഇയാളെ മരിച്ച നിലയിൽ കണ്ടത്​. വീടീനു പുറത്തു നിന്ന്​ വിളിച്ചിട്ടും വാതിൽ തുറക്കാത്തതിനാൽ ജനൽ വഴി നോക്കിയപ്പോൾ ഫാനിൽ തൂങ്ങി മരിച്ച നിലയിൽ കാണുകയായിരുന്നു.