അധിക ലഗേജിന് പിഴ ഈടാക്കാനുള്ള തീരുമാനം നടപ്പാക്കിയിട്ടില്ലെന്ന് ഇന്ത്യന് റെയില്വേ
വിമാനക്കമ്പനികളെപ്പോലെ ട്രെയിന് യാത്രക്കാര്ക്ക് ലഗേജ് കൂടിയാല് വന്തുക പിഴ ഈടാക്കാനുള്ള തീരുമാനം നടപ്പിലാക്കിയിട്ടില്ലെന്ന് ഇന്ത്യന് റെയില്വേ. സീസണ് കാലമായതിനാല് ജൂണ് ഒന്ന് മുതല് ആറ് വരെ പ്രചാരണ പരിപാടികളാണ് നടത്തിയതെന്നും റെയില്വേ വക്താവ് രാജേഷ് ബാജ്പേയ് അറിയിച്ചു. അമിത ലഗേജുമായി യാത്ര ചെയ്യുന്നവര് മറ്റ് യാത്രക്കാര്ക്ക് ബുദ്ധിമുട്ടുണ്ടാക്കുന്നതിനാലാണ് ഇത്തരമൊരു തീരുമാനത്തിലെത്തിയതെന്നും അദ്ദേഹം കൂട്ടിച്ചേര്ത്തു.
അതേസമയം, നിര്ദ്ദേശത്തിനെതിരെ വ്യാപകമായ പ്രതിഷേധം ഉയര്ന്നതിനെ തുടര്ന്നാണ് റെയില്വേയുടെ നീക്കമെന്നാണ് സൂചന. ട്രെയിന് കംപാര്ട്മെന്റുകളില് അമിത അളവിലുള്ള ലഗേജുമായി യാത്ര ചെയ്യുന്നവരെക്കുറിച്ച് നിരവധി പരാതികള് ഉയര്ന്നതോടെയാണ് മൂന്ന് പതിറ്റാണ്ടുകളായി ഇന്ത്യന് റെയില്വേ പിന്തുടര്ന്ന് വരുന്ന ഇളവ് പിന്വലിക്കാന് തീരുമാനിച്ചത്.
അനുവദനീയമായ അളവില് കൂടുതല് ലഗേജുമായി പിടിക്കപ്പെടുന്ന യാത്രക്കാരില് നിന്നും യാത്രാക്കൂലിയുടെ ആറിരട്ടി വരെ പിഴ ഈടാക്കാനായിരുന്നു റെയില്വേയുടെ തീരുമാനം.പുതിയ നിര്ദ്ദേശമനുസരിച്ച് സ്ലീപ്പര് ക്ലാസ് സെക്കന്ഡ് ക്ലാസ് യാത്രക്കാര്ക്ക് യഥാക്രമം 40 കിലോ, 35 കിലോ വീതം ലഗേജ് കൈവശം കരുതാം. ഇതുകൂടാതെ പാര്സല് ഓഫീസില് പണമടച്ച് യഥാക്രമം പരമാവധി 80 കിലോ, 70 കിലോ ലഗേജും കൂടെക്കരുതാം. എന്നാല് അമിതമായി വരുന്ന സാധനങ്ങള് ലഗേജ് വാനില് സൂക്ഷിക്കണമെന്നും നിര്ദ്ദേശത്തില് പറഞ്ഞിരുന്നു.
https://www.facebook.com/Malayalivartha
