ആര്എസ്എസിന് മറുപടി നല്കി പ്രണബ് മുഖര്ജിയുടെ മകള് ഷര്ഷ്ഠ മുഖര്ജി; പ്രണബ് ഇനിയൊരിക്കലും സജീവ രാഷ്ട്രീയത്തിലേക്ക് മടങ്ങി വരില്ലെന്ന് ഷര്മിഷ്ഠ ട്വിറ്ററില് കുറിച്ചു
പ്രണബ് ഇനിയൊരിക്കലും സജീവ രാഷ്ട്രീയത്തിലേക്ക് മടങ്ങി വരില്ലെന്ന് പറഞ്ഞായിരുന്നു ഷര്മിഷ്ഠ യുടെ ട്വിറ്റര് പോസ്റ്റ്. വരുന്ന ലോക്സഭ തെരഞ്ഞെടുപ്പില് ബി.ജെ.പിക്ക് ഭൂരിപക്ഷം ലഭിച്ചില്ലായെങ്കില് മുന് രാഷ്ട്രപതി പ്രണബ് മുഖര്ജിയെ പ്രധാനമന്ത്രി സ്ഥാനത്തേയ്ക്ക് ഉയര്ത്തിക്കാണിച്ചേക്കുമെന്ന ശിവസേനയുടെ പ്രവചനത്തിന് മറുപടിയായായിരുന്നു ഷര്മിഷ്ഠ പോസ്റ്റ്. ഇത് സംഭവിക്കാന് പോകുന്നില്ലെന്നും ശിവസേന നേതാവ് സഞ്ജയ് റാവത്തിന്റെ പ്രധാനമന്ത്രി പരാമര്ശത്തിന് മറുപടിയായി ഷര്മിഷ്ഠ ട്വിറ്ററില് കുറിച്ചു. ആര്.എസ്.എസ് പരിപാടിയിലേക്ക് പ്രണബിനെ ക്ഷണിച്ചത് ഇതിന്റെ മുന്നോടിയാണെന്നും റാവത്ത് പറഞ്ഞത്. വാര്ത്താ ഏജന്സിയായ എ.എന്.ഐയോട് സംസാരിക്കുകയായിരുന്നു സഞ്ജയ് റാവത്ത് ഇക്കാര്യം പറഞ്ഞത്.
വരുന്ന ലോക്സഭാ തിരഞ്ഞെടുപ്പില് ബി.ജെ.പിക്ക് ഭൂരിപക്ഷം കിട്ടില്ലെന്ന് റാവത്ത് പറഞ്ഞു. നിലവിലുള്ള സീറ്റുകളില് നിന്ന് 110 സീറ്റുകളെങ്കിലും ബി.ജെ.പിക്ക് കുറയും. ഇത്തരമൊരു സാഹചര്യത്തില് പ്രണബ് മുഖര്ജിയെ ആര്.എസ്.എസ് പ്രധാനമന്ത്രി സ്ഥാനാര്ത്ഥിയായി ഉയര്ത്തിക്കാട്ടുമെന്നും ഇതിന് മുന്നോടിയായുള്ള നീക്കങ്ങളാണ് ഇപ്പോള് നടക്കുന്നതെന്നും സഞ്ജയ് റാവത്ത് ആരോപിച്ചു. ജൂണ് 7ന് നടന്ന ആര്.എസ്.എസ് പരിപാടിയിലാണ് പ്രണബ് മുഖര്ജി പങ്കെടുത്തത്. കോണ്ഗ്രസില് നിന്നും മറ്റ് പ്രതിപക്ഷ പാര്ട്ടികളില് നിന്നും വ്യാപക എതിര്പ്പ് ഉയര്ന്നിട്ടും പ്രണബ് മുഖര്ജി ആര്.എസ്.എസ് ആസ്ഥാനത്ത് എത്തുകയും പ്രവര്ത്തകരെ അഭിസംബോധന ചെയ്യുകയും ചെയ്തു.
ആര്.എസ്.എസ് സ്ഥാപകന് കെ.ബി ഭാരതത്തിന്റെ മഹാനായ പുത്രനാണെന്ന് പുകഴ്ത്താനും പ്രണബ് തയ്യാറായി. ഇത് സംഘപരിവാര് കേന്ദ്രങ്ങളുമായി മുന് രാഷ്ട്രപതി അടുക്കുന്നതിന്റെ സൂചനയായാണ് വിലയിരുത്തപ്പെടുന്നത്. ബി.ജെ.പിശിവസേന ബന്ധം വഷളായിരിക്കെയാണ് സഞ്ജയ് റാവത്തിന്റെ പ്രസ്താവന. ഉപതെരഞ്ഞെടുപ്പുകളിലേയും കര്ണാടക നിയമസഭാ തെരഞ്ഞെടുപ്പിലേയും പരാജയത്തിന്റെ പശ്ചാത്തലത്തില് ശിവസേനയെ അനുനയിപ്പിക്കാന് അമിത് ഷാ തന്നെ കഴിഞ്ഞ ദിവസം രംഗത്ത് വന്നിരുന്നു.
https://www.facebook.com/Malayalivartha
