മുന്‍ പ്രധാനമന്ത്രിയും മുതിര്‍ന്ന ബിജെപി നേതാവുമായ അടല്‍ ബിഹാരി വാജ്‌പെയിയെ ശ്വാസകോശ സംബന്ധമായ അസുഖം മൂലം ആശുപത്രിയില്‍ പ്രവേശിപ്പിച്ചു. ന്യൂഡല്‍ഹിയിലെ എയിംസ് ആശുപത്രിയിലാണ് പ്രവേശിപ്പിച്ചിരിക്കുന്നത്. ശ്വാസകോശ സംബന്ധമായ അസുഖം മൂലം ദീര്‍ഘനാളുകളായി അദ്ദേഹം ചികിത്സയിലായിരുന്നു വാജ്‌പേയ്.

എന്നാല്‍ സാധാരണ നടത്താറുള്ള പരിശോധനകള്‍ക്കായാണ് വാജ്‌പെയിയെ ആശുപത്രിയില്‍ പ്രവേശിപ്പിച്ചതെന്നാണ് റിപ്പോര്‍ട്ടുകള്‍ പറയുന്നത്. ശ്വാസകോശ വിദഗ്ധന്‍ ഡോക്ടര്‍ ഗുളേറിയയുടെ നേതൃത്വത്തിലുള്ള സംഘമാണ് അദ്ദേഹത്തെ പരിശോധിക്കുന്നത്.

1924 ല്‍ ജനിച്ച വാജ്‌പേയി 1942 ല്‍ ക്വിറ്റ് ഇന്ത്യ പ്രക്ഷോഭത്തിലൂടെയാണ് രാഷ്ട്രീയത്തില്‍ പ്രവേശിച്ചു. 1996ലാണ് ആദ്യമായി പ്രധാനമന്ത്രി പദത്തിലെത്തിയത്. 1991, 1996, 1998, 1999, 2004 എന്നീവര്‍ഷങ്ങളില്‍ വാജ്‌പേയി ലോക്‌സഭയിലേക്ക് തിരഞ്ഞെടുക്കപ്പെട്ടിരുന്നു. ഇന്ത്യയിലെ പരമോന്നത ബഹുമതിയായ ഭാരത രത്‌ന പുരസ്‌കാരവും പത്മ വിഭൂഷണ്‍ അവാര്‍ഡും അദ്ദേഹത്തിന് ലഭിച്ചിട്ടുണ്ട്.

അതേസമയം വാജ്‌പേയിയുടെ ആരോഗ്യനില ഗുരുതരമെന്ന് സൂചന. എങ്കിലും നിലവില്‍ ആശങ്ക വേണ്ടെന്ന് എയിംസ് വൃത്തങ്ങള്‍ വ്യക്തമാക്കിയെങ്കിലും. വൃക്കയുടെ പ്രവര്‍ത്തനം തകരാറിലാണെന്നുമുള്ള റിപ്പോര്‍ട്ടുകളും വരുന്നുണ്ട്. ഡയാലിസിസ് നടത്തി. നിലവില്‍ കാര്‍ഡിയോ തെറാപ്പിക്ക് ഐസിയുവിലാണ്. ഇതുവരെയും പൂര്‍ണമായി ബോധം തിരികെ ലഭ്യമായിട്ടില്ല. വൃക്കയുടെ പ്രവര്‍ത്തനം വിലയിരുത്താനുള്ള പരിശോധനകള്‍ തുടരുകയാണ്. രാത്രി വീണ്ടും മെഡിക്കല്‍ ബുള്ളറ്റിന്‍ ഇറക്കിയേക്കും.