ദളിത്‌ യുവാവിനെ വിവാഹം കഴിച്ചതിന്‌ പെണ്‍കുട്ടിയെ ചുട്ടുക്കൊന്നു
തമിഴ്‌നാട്ടില്‍ ദളിത്‌ യുവാവിനെ വിവാഹം കഴിച്ചതിന്‌ പെണ്‍കുട്ടിയെ മാതാപിതാക്കള്‍ ചുട്ടുക്കൊന്നു. പെണ്‍കുട്ടിയുടെ ഭര്‍ത്താവിന്റെ പരാതിയെ തുടര്‍ന്ന്‌ പ്രതികളെ പോലീസ്‌ അറസ്‌റ്റ്‌ ചെയ്തു. മധുരയിലെ ഉസ്‌ലാംപട്ടിയിലാണ്‌ ദാരുണമായ സംഭവം. പെണ്‍കുട്ടിയെ മാതാപിതാക്കള്‍ മണ്ണെണ്ണ ഒഴിച്ച്‌ തീ കൊളുത്തി കൊല്ലുകയായിരുന്നു.
കഴിഞ്ഞ ജൂലൈ 22നാണ്‌ ഉയര്‍ന്ന ജാതിയില്‍പ്പെട്ട വിമലാദേവി ദളിത്‌ യുവാവായ ദിലീപ്‌ കുമാറിനെ വിവാഹം ചെയ്‌തത്‌. വിവാഹത്തിനു പിന്നാലെ ഇരുവരെയും പെണ്‍കുട്ടിയുടെ മാതാപിതാക്കള്‍ വീട്ടിലേക്ക്‌ കൂട്ടിക്കൊണ്ടു പോയി. തുടര്‍ന്ന്‌ പെണ്‍കുട്ടിയെ വീട്ടു തടങ്കലിലാക്കാന്‍ ശ്രമിച്ചെങ്കിലും ഇരുവരും അവിടെ നിന്നു രക്ഷപ്പെട്ടു.
തുടര്‍ന്ന്‌ ദിലീപ്‌ ജോലി ആവശ്യത്തിനായി കേരളത്തിലേക്ക്‌ പോയപ്പോള്‍ പോലീസ്‌ ഇടപെട്ട്‌ പെണ്‍കുട്ടിയെ വീണ്ടും മാതാപിതാക്കള്‍ക്കൊപ്പം അയക്കുകയായിരുന്നു. ദിലീപ്‌ കുമാറുമായുള്ള ബന്ധം ഉപേക്ഷിക്കണമെന്ന്‌ മാതാപിതാക്കള്‍ തുടര്‍ന്നും ആവശ്യപ്പെട്ടെങ്കിലും പെണ്‍കുട്ടി തയ്യാറായില്ല. ഇതിനു പിന്നാലെയാണ്‌ പെണ്‍കുട്ടിയെ അതി ക്രൂരമായി കൊലപ്പെടുത്തിയത്.
അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക
https://www.facebook.com/Malayalivartha
