ഛത്തീസ്ഗഡില്‍ നക്‌സല്‍ ആക്രമണത്തിനു സാധ്യതയെന്ന് റിപ്പോര്‍ട്ട്. അതീവ ജാഗ്രത പുലര്‍ത്താന്‍ സുരക്ഷാ സേനയ്ക്കു നിര്‍ദ്ദേശം നല്‍കി. മാവോയിസ്റ്റുകള്‍ക്ക് ആയുധക്ഷാമം നേരിടുന്നുവെന്ന് രഹസ്യ വിവരം ലഭിച്ചിട്ടുണ്ട്. അതിനാല്‍ അവര്‍ ആയുധങ്ങള്‍ കവര്‍ച്ച ചെയ്യാന്‍ ആക്രമണങ്ങള്‍ അഴിച്ചുവിടാന്‍ സാധ്യതയുണ്ട്. ഇതിനെ തുടര്‍ന്നാണ് സുരക്ഷ ശക്തമാക്കാന്‍ നിര്‍ദ്ദേശം.
മാവോയിസ്റ്റുകളുടെ സാന്നിധ്യമുള്ള മേഖലകളില്‍ ഇവര്‍ക്കു റേഷന്‍ ലഭിക്കുന്നതു കര്‍ശനമായി തടയാനും നിര്‍ദ്ദേശമുണ്ട്. നാടന്‍ തോക്കുകളും മൂര്‍ച്ചയേറിയ ആയുധങ്ങളുമായി എത്തി മാവോയിസ്റ്റുകള്‍ സൈനിക ക്യാമ്പുകള്‍ ആക്രമിക്കാന്‍ ശ്രമിക്കും എന്നാണ് റിപ്പോര്‍ട്ട്. ആയുധങ്ങള്‍ തട്ടിയെടുക്കുകയാണ് ഇവരുടെ ലക്ഷ്യം. ആക്രമണങ്ങള്‍ പ്രതിരോധിക്കാന്‍ നക്‌സല്‍ മേഖലകളില്‍ തെരച്ചില്‍ ശക്തമാക്കാനും സംശയിക്കുന്നവരെ ചോദ്യം ചെയ്യാനും നിര്‍ദ്ദേശമുണ്ട്.
ബസ്തര്‍ മേഖലയിലെ മാവോയിസ്റ്റുകളുടെ ഭക്,ണ ശേഖരം തീര്‍ന്നു വരികയാണെന്നു സൂചന. ഇവര്‍ക്ക് ഭക്ഷണം ലഭ്യമാക്കാതിരുന്നാല്‍ പ്രദേശവാസികളുമായി ഇവര്‍ ഏറ്റുമുട്ടും. ഇതോടെ മാവോയിസ്റ്റ് വേട്ടയില്‍ ഗ്രാമവാസികളുടെ കൂടെ സഹകരണം ഉറപ്പാക്കാം എന്നാണ് സൈന്യത്തിന്റെ കണക്കുകൂട്ടല്‍.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha