പത്മനാഭ സ്വാമി ക്ഷേത്രം ഭരണ സമിതി അംഗത്തിനെതിരെ വിമര്ശനവുമായി അമിക്കസ് ക്യൂറി
ശ്രീ പത്മനാഭസ്വാമി ക്ഷേത്രവുമായി ബന്ധപ്പെട്ട പ്രവര്ത്തനങ്ങളില് ഭരണ സമിതിക്കെതിരെ വിമര്ശനവുമായി അമിക്കസ് ക്യൂറി റിപ്പോര്ട്ട്. ശ്രീപദ്മക്ഷേത്രസമിതി അധ്യക്ഷനായ ജില്ലാ ജഡ്ജി കെ.പി.ഇന്ദിര ക്ഷേത്രത്തില് എത്തുന്നത് സുരക്ഷാ സന്നാഹങ്ങളോടെയാണ്. എന്നാല് ഇത് ദര്ശനത്തിനെത്തുന്ന ഭക്തര്ക്ക് വലിയ ബുദ്ധിമുട്ടുണ്ടാക്കുന്നു. ജഡ്ജി കെ.പി.ഇന്ദിര തന്റെ ഉത്തരവാദിത്വങ്ങള് മറന്ന് പ്രവര്ത്തിക്കുകയാണെന്ന് അമിക്കസ് ക്യൂറി റിപ്പോര്ട്ടില് കുറ്റപ്പെടുത്തിയിട്ടുണ്ട്. ഭക്തജനങ്ങള്ക്ക് ബുന്ധിമുട്ടുണ്ടാക്കുന്ന രീതിയില് ജഡ്ജി ക്ഷേത്രത്തില് എത്തുന്നത് അടിയന്തിരമായി തടയണമെന്നും സുപ്രീംകോടതിക്ക് സമര്പ്പിക്കാന് തയ്യാറാക്കിയ റിപ്പോര്ട്ടില് ഗോപാല് സുബ്രഹ്മണ്യം പറയുന്നു.
ഭരണസമിതിയുടെ പ്രവര്ത്തനത്തില് പൂര്ണമായും താന് തൃപ്തനല്ല. പലപ്പോഴും തിരക്കുള്ള സമയത്താണ് കനത്ത സുരക്ഷാ സന്നാഹങ്ങളോടെ ജഡ്ജി ക്ഷേത്രത്തില് എത്തുന്നത്. അദ്ധ്യക്ഷതയുടെ സന്ദര്ശനസമയത്ത് ഭക്തരെ നിയന്ത്രിക്കേണ്ട സ്ഥിതി വിശേഷം ഉണ്ടാവുന്നു. ഇത് ഭക്തരില് അതൃപ്തി ഉണ്ടാക്കുന്നതായും അമിക്കസ് ക്യൂറി റിപ്പോര്ട്ടില് പറയുന്നു. ക്ഷേത്ര കാര്യങ്ങളുമായി ബന്ധപ്പെട്ട് സുപ്രീംകോടതിയുടെ നിര്ദ്ദേശങ്ങള് നടപ്പാക്കാന് ഭരണസമിത് കൂടുതല് മെച്ചപ്പെട്ട പ്രവര്ത്തനങ്ങള് കാഴ്ചവയ്ക്കണമെന്നും സുബ്രഹ്മണ്യം ആവശ്യപ്പെട്ടു. റിപ്പോര്ട്ട് കോടതിക്ക് നല്കുന്നതിന് മുമ്പ് ഒരിക്കല് കൂടി അമിക്കസ് ക്യൂറി ക്ഷേത്രം സന്ദര്ശിക്കും. നവംബര് 11 നകം റിപ്പോര്ട്ട് കോടതിക്ക് കൈമാറും.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha
