ആശങ്കയോടെ.... ഹോട്ടൽ ആക്രമിച്ച് കാട്ടാന. അതിരപ്പിള്ളിയിലാണ് സംഭവം നടന്നത്. പിള്ളപ്പാറ എക്‌‌സൈസ് ചെക്ക്‌ പോസ്റ്റിനുസമീപത്ത് കാളിയാടൻ ജോൺസൺ എന്നയാളുടെ ഹോട്ടലിലാണ് കാട്ടാന ആക്രമണം നടത്തിയത്.

ഹോട്ടലിന്റെ മുൻവാതിൽ തകർത്ത് ആന അകത്തേയ്ക്ക് കയറുകയായിരുന്നു. ഇന്നലെ രാത്രിയാണ് സംഭവം . ഹോട്ടലിലോട് ചേർന്നാണ് ജോൺസണും കുടുംബവും താമസിച്ചു വരുന്നത്.

ശബ്ദം കേട്ട് ജോൺസണിന്റെ ഭാര്യയും മകളും വന്നുനോക്കിയപ്പോൾ ആനയെ കാണുകയായിരുന്നു. തുടർന്ന് പ്രദേശവാസികൾ ചേർന്ന് ബഹളം വച്ച് ആനയെ ഓടിച്ചു. കാട്ടാന ജനവാസ മേഖലയിലെത്തിയതിന്റെ ആശങ്കയിലാണ് പ്രദേശവാസികളുള്ളത്.