കുട്ടികള്‍ക്കെതിരേയുള്ള ലൈംഗിത അതിക്രമങ്ങള്‍ക്ക് ചുമത്തുന്ന പോക്‌സോ പ്രകാരമുള്ള കേസുമായി ബന്ധപ്പെട്ട് കോണ്‍ഗ്രസ് അധ്യക്ഷന്‍ രാ​ഹു​ല്‍ ഗാന്ധിക്ക് നോട്ടീസ്. മഹാരാഷ്ട്രയിലെ ജ​ല്‍​ഗാ​വി​ല്‍ ദലിത്കു​ട്ടി​ക​ള്‍​ക്ക് നേ​രെ ന​ട​ന്ന അ​തി​ക്ര​മ​ത്തി​ന്‍റെ വീ​ഡി​യോ ട്വിറ്ററില്‍ പൊസ്റ്റ് ചെയ്‌തെന്നും ഇത് കുട്ടികളുടെ സ്വകാര്യതയ്‌ക്കെതിരെയുള്ള കുറ്റകൃത്യമാണെന്നും ചൂണ്ടിക്കാട്ടി മ​ഹാ​രാ​ഷ്ട്ര ശി​ശു അ​വ​കാ​ശ​ക​മ്മീ​ഷ​നാണ് രാഹുലിന് നോട്ടീസ് അയച്ചത്.

അ​മോ​ല്‍ ജാ​ദ​വ് എ​ന്ന​യാ​ളാണ് രാഹുല്‍ ഗാന്ധിക്കെതിരേ പരാതി നല്‍കിയത്. ഇത് പരിഗണിച്ചാണ്ശി​ശു അ​വ​കാ​ശ​ക​മ്മീ​ഷ​ന്‍ കോണ്‍ഗ്രസ് ദേശീയ അധ്യക്ഷന് നോട്ടീസ് അയച്ചത്.

മഹാരാഷ്ട്രയിലെ ജ​ല്‍​ഗാ​വി​ല്‍ മേ​ല്‍​ജാ​തി​ക്കാ​ര​ന്‍റെ കു​ള​ത്തി​ല്‍ നീ​ന്തി​യ​തി​ന് ദലിതരായ മൂന്ന് ആണ്‍കുട്ടികളെ ഒ​രു സം​ഘം ആ​ളു​ക​ള്‍ ചേ​ര്‍​ന്ന് വി​വ​സ്ത്ര​രാ​ക്കി മ​ര്‍​ദി​ച്ചി​രു​ന്നു. ചൂടുസഹിക്കാനാകാതെ വന്നപ്പോള്‍ കുട്ടികള്‍ പൊതുകുളത്തില്‍ ഇറങ്ങി നീന്തിക്കുളിക്കുകയായിരുന്നു. ഇതുകണ്ട ഗ്രാമീണരിലൊരാള്‍ മറ്റുള്ളവരെ വിവരമറിയിക്കുകയും ഇവര്‍ കുട്ടികളെ കരയ്ക്കു കയറ്റി മര്‍ദ്ദിക്കുകയുമായിരുന്നു. മര്‍ദ്ദനത്തിന് ശേഷം കുട്ടികളെ നഗ്നരാക്കി പൊതുനിരത്തിലൂടെ നടത്തിക്കുകയും ചെയ്തു. ഈ ​സം​ഭ​വം വി​വാ​ദ​മാ​യ​തോ​ടെ​യാ​ണ് രാ​ഹു​ല്‍ ദൃ​ശ്യ​ങ്ങ​ള്‍ ട്വി​റ്റ​റി​ല്‍ പ​ങ്കു​വ​ച്ച​ത്.