പ്രധാനമന്ത്രി നരേന്ദ്രമോദി വിവാഹിതനല്ലെന്ന മധ്യപ്രദേശ് ഗവർണർ ആനന്ദിബെന്നിന്റെ പ്രസ്താവനയ്ക്കെതിരെ മോദിയുടെ ഭാര്യ യശോദ ബെൻ രംഗത്ത്. അദ്ദേഹം എനിക്ക് ബഹുമാന്യനാണ്, അദ്ദേഹം എന്റെ ശ്രീരാമനാണ് എന്ന് യശോദബെൻ പറഞ്ഞു.

ഹർദ ജില്ലയിലെ തിമാരിയിൽ നടന്ന പൊതുപരിപാടിയിൽ മോദി അവിവാഹിതനാണെന്ന് ആനന്ദിബെൻ പറഞ്ഞിരുന്നു. ആനന്ദിബെന്നിനെപ്പോലെ അഭ്യസ്തവിദ്യയായ ഒരു സ്ത്രീയുടെ ഭാഗത്തുനിന്ന് ഇത്തരത്തിലുള്ള പ്രസ്താവന ഉണ്ടായത് തന്നെ ഞെട്ടിച്ചുകളഞ്ഞെന്ന് യശോദ ബെൻ. അതേസമയം ആനന്ദിബെനിന്റെ പ്രസ്താവന മോദിയെ താഴ്ത്തിക്കെട്ടുന്നതരത്തിലുള്ളതാണ്. 

ഹർദ ജില്ലയിലെ തിമാരിയിൽ നടന്ന പൊതുപരിപാടിയിൽ മോദി അവിവാഹിതനാണെന്ന് ആനന്ദിബെൻ പറഞ്ഞിരുന്നു. നരേന്ദ്രഭായി വിവാഹം ചെയ്തിട്ടില്ല. എന്നിട്ടും സ്ത്രീകളുും കുട്ടികളും അഭിമുഖീകരിക്കുന്ന നിരവധി പ്രശ്നങ്ങൾ മനസ്സിലാക്കാൻ അദ്ദേഹത്തിന് കഴിയുന്നു എന്നുള്ള പ്രസംഗത്തിന്റെ വീഡിയോ സമൂഹ മാധ്യമങ്ങളിലൂടെ വ്യാപകമായി പ്രചരിക്കുകയും ചെയ്തു. ഇതെത്തുടർന്നാണ് വിമർശനവുമായി യശോദബെൻ രംഗത്തെത്തിയത്.