നിയമസഭാ തെരഞ്ഞെടുപ്പ് പ്രചരണങ്ങള്ക്ക് മോഡിയും സോണിയയും കച്ചകെട്ടി
ഹരിയാനയിലും മഹാരാഷ്ട്രയിലും ഒക്റ്റോബര് 15ന് നടക്കാനിരിക്കുന്ന നിയമസഭാ തെരഞ്ഞെടുപ്പുകള്ക്ക് ഊര്ജം പകരാന് നരേന്ദ്രമോഡിയും സോണിയഗാന്ധിയും തയാറായി. ഇരു നേതാക്കളും തെരഞ്ഞെടുപ്പ് റാലികളില് പങ്കെടുത്തു തുടങ്ങി. ലോക്സഭാ തെരഞ്ഞെടുപ്പില് കോണ്ഗ്രസ് മുക്ത ഭാരതം എന്ന മുദ്രാവാക്യവുമായി രംഗത്തിറങ്ങിയ മോഡി കോണ്ഗ്രസ് മുക്ത ഹരിയാന ന്ന മുദ്രാവാക്യം ഉപയോഗിച്ച് പ്രചരണം തുടങ്ങി.
കോണ്ഗ്രസ് സര്ക്കാരുകള്ക്ക് 60 വര്ഷം കൊണ്ട് ചെയ്യാന് സാധിക്കാത്ത കാര്യങ്ങള് നൂറ് ദിവസം കൊണ്ട് എന്.ഡി.എ സര്ക്കാര് ചെയ്തെന്ന് പ്രധാനമന്ത്രി നരേന്ദ്ര മോഡി. ഹരിയാന നിയമസഭാ തെരഞ്ഞെടുപ്പ് പ്രചരണത്തിന് തുടക്കം കുറിച്ച് കര്ണാലില് നടത്തിയ ബി.ജെ.പി റാലിയില് സംസാരിക്കുകയായിരുന്നു പ്രധാനമന്ത്രി.സംസ്ഥാനത്ത് മാറ്റം വേണമെന്ന് ആഗ്രഹിക്കുന്നവര് ബി.ജെ.പിക്ക് വോട്ട് ചെയ്യണം.
ഹരിയാനയില് നരേന്ദ്ര മോഡി പങ്കെടുക്കുന്ന പത്തോളം തെരഞ്ഞെടുപ്പ് റാലികള് ബി.ജെ.പി സംഘടിപ്പിച്ചിട്ടുണ്ട്. ഹരിയാനയിലെ പത്ത് ലോക്സഭ മണ്ഡലങ്ങളിലും മോഡി പങ്കെടുക്കുന്ന ഓരോ റാലികള് വീതമാണ് ബി.ജെ.പി സംഘടിപ്പിച്ചിരിക്കുന്നത്. ശിവസേനയുമായി അഭിമാന പോരാട്ടം നടക്കുന്ന മഹാരാഷ്ട്രയില് 24ഓളം തെരഞ്ഞെടുപ്പ് റാലികളില് മോഡി പങ്കെടുക്കും. ഇന്ന് തന്നെ മൂന്ന് റാലികളിലാണ് മഹാരാഷ്ട്രയില് മോഡി പങ്കെടുക്കുന്നത്.
അതേസമയം മോഡിയുടെ ആരോപണങ്ങള്ക്ക് ഹരിയാനയില് വച്ച് തന്നെ കോണ്ഗ്രസ് അധ്യക്ഷ സോണിയാ ഗാന്ധി മറുപടി നല്കി. എന്.ഡി.എ സര്ക്കാരിന്റെ നൂറ് ദിവസത്തെ ഭരണം സമ്പൂര്ണ്ണ പരാജയമായിരുന്നെന്ന് കോണ്ഗ്രസ് അധ്യക്ഷ ആരോപിച്ചു. ഹരിയാനയിലെ റോത്തക്കില് കോണ്ഗ്രസിന്റെ തെരഞ്ഞെടുപ്പ് റാലി ഉദ്ഘാടനം ചെയ്ത് സംസാരിക്കുകയായിരുന്നു സോണിയ.
വരും ദിവസങ്ങളില് കോണ്ഗ്രസ് ഉപാധ്യക്ഷന് രാഹുല് ഗാന്ധിയും തെരഞ്ഞെടുപ്പ് റാലികള്ക്ക് നേതൃത്വം നല്കും.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha