മഹാരാഷ്ട്രയിൽ കറുത്ത നിറത്തെച്ചൊല്ലി അധിക്ഷേപിച്ചതിൻറെ പേരിൽ വീട്ടമ്മ ഭക്ഷണത്തിൽ വിഷം ചേർത്ത് അഞ്ച് പേരെ കൊലപ്പെടുത്തി. മഹാരാഷ്ട്ര സ്വദേശിയായ ജ്യോതി സുരേഷ് സർവാസെ എന്ന വീട്ടമ്മയാണ് കുടുംബ‌ വിരുന്നിന് വിളമ്പിയ ഭക്ഷണത്തിൽ വിഷം ചേർത്ത് ബന്ധുക്കളെ കൊലപ്പെടുത്തിയത്. ഇവരെ പൊലീസ് അറസ്റ്റ് ചെയ്തു.

സംഭവത്തെ പറ്റി പൊലീസ് പറയുന്നതിങ്ങനെ....

രണ്ട് വർഷം മുൻപായിരുന്നു ജ്യോതിയും സുരേഷ് സർവാസെയും തമ്മിൽ വിവാഹിതരായത്. കറുത്ത നിറത്തിന്റെ പേരിലും പാചകം ചെയ്യാനറിയാത്തതിന്‍റെ പേരിലും കൂടുംബാംഗങ്ങൾ ജ്യോതിയെ നിരന്തരം അധിക്ഷേപിക്കുമായിരുന്നു. ഇതോടെ മു‍ഴുവൻ കുടുംബത്തോടും ജ്യോതിക്ക് പകയായി.

ബന്ധുക്കളെ കൊലപ്പെടുത്താനുറച്ച ജ്യോതി ജൂണ്‍ 18 എന്ന തീയതി തെരഞ്ഞെടുക്കുകയായിരുന്നു. ബന്ധുക്കൾ പങ്കെടുത്ത കുടുംബചടങ്ങിനിടെ ഭക്ഷണത്തിൽ വിഷം കലർത്താൻ തീരുമാനിച്ചു. പാമ്പിനെ കൊല്ലാൻ വാങ്ങിയ വിഷമാണ് ജ്യോതി ഭക്ഷണത്തിൽ കലർത്തിയത്. സംഭവത്തിൽ നാല് കുട്ടികളുൾപ്പെടെ 5 പേരാണ് വിഷബാധയേറ്റ് കൊല്ലപ്പെട്ടത്.