അഗർത്തല: ത്രിപുരയിൽ ബി.ജെ.പി നേതാവ്​ അജ്​ഞാത​ന്റെ വെടിയേറ്റ്​ മരിച്ചതായി റിപ്പോർട്ടുകൾ. ബിശ്വജിത്​പാൽ (35) ആണ്​ മരിച്ചത്​. നെഞ്ചിനാണ്​ വെടിയേറ്റത്​. ശനിയാഴ്​ച അർദ്ധരാത്രിയോടെ ജോലി കഴിഞ്ഞ്​ വീട്ടിലേക്ക്​ പോകും വഴി അഗർത്തലയിലെ ബദർഘട്ടിൽ വെച്ചാണ്​ സംഭവം.

വീടിന്​ 200 മീറ്റർ അകലെ വെച്ചാണ്​ ബിശ്വജിത്തിന്​ വെടിയേറ്റത്​. സംഭവത്തിൽ അറസ്​റ്റുകളൊന്നും ഉണ്ടായിട്ടില്ല. ഭൂമി തർക്കമാ​ണ്​ കൊലക്കു കാരണമെന്നാണ്​ പൊലീസ്​ സംശയിക്കുന്നത്​.