ഉത്തർപ്രദേശ്: ഉത്തർപ്രദേശിലെ മഥുരയിൽ പ്രായപൂർത്തിയാവാത്ത പെൺകുട്ടിയെ കൂട്ട ബലാത്സംഗത്തിനിരയാക്കി. നാലു പേർ ചേർന്നാണ്​ കുട്ടിയെ പീഡിപ്പിച്ചത്​. പെൺകുട്ടിയെ മയക്കു മരുന്നു നൽകി വീടിനു പുറത്തേക്ക്​ വലിച്ചുകൊണ്ടുപോയി ബലാത്സംഗത്തിനിരയാക്കുകയായിരുന്നുവെന്ന്​ പെൺകുട്ടിയുടെ മാതാവ്​ പറഞ്ഞു.

മകൾക്കായി എല്ലാ സ്​ഥലവും തിരഞ്ഞു. പ്രദേശത്തെ ഒരു വീട്ടിൽ നിന്ന്​ ചില ശബ്​ദങ്ങൾ കേട്ടതായി അയൽക്കാരിലൊരാൾ പറഞ്ഞതനുസരിച്ച്​ അവിടെയെത്തി നോക്കുമ്പോൾ മകൾ അബോധാവസ്ഥയിലായിരുന്നുവെന്നും മാതാവ്​ പറഞ്ഞു.

അതേസമയം മാതാവി​ന്റെ പരാതിയിൽ പൊലീസ്​ അന്വേഷണം ആരംഭിച്ചു. സംഭവത്തിൽ പ്രതികളെ അറസ്​റ്റ്​ ചെയ്യുന്നതിനു മുമ്പ്​ അതിലൊരാൾ ആത്മഹത്യക്കു ശ്രമിക്കുകയും പിന്നീട് ചികിത്സയിലിരിക്കെ ​ മരിക്കുകയും ​ചെയ്തു. മറ്റു പ്രതികൾക്കായി അന്വേഷണം ഉൗർജ്ജിതമാക്കിയിട്ടുണ്ട്​​.