ഒന്ന് ഒതുങ്ങി ഇരിക്കാമോ ചേട്ടാ..?? മെട്രോയില് കമിതാക്കൾക്ക് നേരെ യാത്രക്കാരുടെ സദാചാര ഗുണ്ടായിസം; വീഡിയോ പകർത്തി സോഷ്യൽ മീഡിയയിൽ ഇട്ട് പെൺകുട്ടി
മെട്രോ ട്രെയിനില് യാത്ര ചെയ്ത കമിതാക്കൾക്ക് നേരേ യാത്രക്കാരന്റെ അസഭ്യവര്ഷം. ഇരിക്കാന് സീറ്റില് കുറച്ചിടം ആവശ്യപ്പെട്ടതിനു പിന്നാലെയായിരുന്നു യാത്രികന് അസഭ്യവര്ഷം തുടങ്ങിയത്. ഇയാള്ക്കൊപ്പം മറ്റൊരു യാത്രികനും ചേര്ന്നു. സംഭവത്തിന്റെ വീഡിയോ പെണ്കുട്ടി തന്റെ ഫെയ്സ്ബുക്കിലൂടെ ഷെയര് ചെയ്തു.
ശനിയാഴ്ച രാത്രി ജോലി കഴിഞ്ഞ് മടങ്ങവേയാണ് അനിന്ദിത റായ്(24) അനിക് ഘോഷ്(28) എന്നിവര്ക്കെതിരെ സദാചാര ആക്രമണം ഉണ്ടായത്. യാത്രക്കാരിലൊരാളോട് കുറച്ചു കൂടി ഒതുങ്ങിയിരിക്കാമോ എന്ന് പെണ്കുട്ടി ചോദിക്കുകയായിരുന്നു. എന്നാല് തനിക്ക് ഫാനിന്റെ കാറ്റ് വേണമെന്നും നീങ്ങാന് പറ്റില്ലെന്നും ഇയാള് പറഞ്ഞു. പിന്നീട് മോശമായി സംസാരിക്കാന് തുടങ്ങി. സീറ്റ് വേണമെങ്കില് ലേഡീസ് കംപാര്ട്ട്മെന്റില് കയറണമായിരുന്നെന്ന് പറഞ്ഞു. ജീന്സും ടീഷര്ട്ടും ധരിച്ചതിനും അസഭ്യം പറഞ്ഞു. ഇത്തരം വേഷം ധരിച്ച് ട്രെയിനില് കയറരുതെന്നും പറഞ്ഞു. മറ്റൊരു യാത്രക്കാരനും ഇയാള്ക്കൊപ്പം ചേര്ന്നു.
പിന്നീട് കഴിഞ്ഞ മാസം മെട്രോയില് ആക്രമണത്തിനിരയായ പ്രണയിതാക്കളെക്കുറിച്ച് പറഞ്ഞായി ചീത്ത പറച്ചില്. ട്രെയിനില് തോളില് കയ്യിട്ട് നിന്നതിനായിരുന്നു അവര്ക്ക് മര്ദനം. നിങ്ങളുടെ തലമുറയുടെ കുഴപ്പമാണിതൊക്കെയെന്നും ഇവര് പറഞ്ഞു. സംഭവങ്ങളെല്ലാം മൊബൈലില് പകര്ത്തിയ പെണ്കുട്ടി ഫെയ്സ്ബുക്കില് ഷെയര് ചെയ്യുകയും റയില്വേ പോലീസില് പരാതി നല്കുകയും ചെയ്തു.
https://www.facebook.com/Malayalivartha
