ഇന്ത്യയുടെ തലസ്ഥാന നഗരമായ ന്യൂഡല്‍ഹിയെ ആക്രമിക്കാന്‍ പാകിസ്ഥാന്‍ പദ്ധതിയിടുന്നതായി കേന്ദ്ര ഇന്റലിജന്‍സ് ഏജന്‍സികളും ഐ.ബിയും റിപ്പോര്‍ട്ട് ചെയ്തു. ഡല്‍ഹിയിലെ തിരക്കേറിയ വിമാനത്താവളങ്ങള്‍, റെയില്‍വെ സ്‌റ്റേഷനുകള്‍, മെട്രോ, കൂടുതല്‍ ജനങ്ങള്‍ ഒത്തുകൂടുന്ന മാളുകള്‍ തുടങ്ങിയ സ്ഥലങ്ങളിലായിരിക്കും പാകിസ്ഥാന്‍ ലക്ഷ്യമിടാന്‍ സാധ്യതയെന്നാണ് ഇന്റലിജന്‍സ് ബ്യൂറോയുടെ റിപ്പോര്‍ട്ട്. ആക്രമണം നടത്താനുള്ള ആയുധങ്ങളും വെടിമരുന്നുകളുമുള്‍പ്പടെയുള്ള വസ്തുക്കള്‍ ഇതിനകം ഡല്‍ഹിയില്‍ എത്തിച്ചുട്ടുണ്ടെന്നാണ് ഇന്റലിജന്‍സിനു കിട്ടിയ വിവരം. ഉത്സവസമയത്ത് ഡല്‍ഹിയില്‍ ആക്രമണം നടത്താനാണ് പാക് പദ്ധതിയെന്നും ഏജന്‍സികള്‍ വ്യക്തമാക്കി. പാകിസ്ഥാനില്‍ നിന്നയച്ച ആയുധങ്ങളും വെടിമരുന്നുകളും കണ്ടെത്താന്‍ ശ്രമം തുടങ്ങിയിട്ടുണ്ട്. പൊതു സ്ഥലങ്ങളിലും, മാളുകളിലും, മാര്‍ക്കറ്റുകളിലും, വിമാനത്താവളങ്ങളിലും, റെയില്‍വെ സ്‌റ്റേഷനുകളിലും മറ്റും ആവശ്യമായ സുരക്ഷാ സംവിധാനങ്ങള്‍ ഒരുക്കാന്‍ എല്ലാ ഏജന്‍സികളും മുന്നറിയിപ്പ് നല്‍കിയിട്ടുണ്ട്. സംശയം തോന്നുന്ന വ്യക്തികളെ നിരീക്ഷിക്കാനും സംവിധാനങ്ങളൊരുക്കിയിട്ടുണ്ട്.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha