അനധികൃത സ്വത്ത് സമ്പാദന കേസില്‍ നാലു വര്‍ഷത്തെ തടവിന് ശിക്ഷിക്കപ്പെട്ട തമിഴ്‌നാട് മുന്‍ മുഖ്യമന്ത്രി ജയലളിതയ്ക്ക് കര്‍ണാടക ഹൈക്കോടതി  ജയലളിതയ്ക്ക് ജാമ്യം നിഷേധിച്ചു. ജാമ്യം വേണമെന്ന ആവശ്യത്തിന് അടിസ്ഥാനമില്ലെന്ന് കോടതി വ്യക്തമാക്കി. അഴിമതി സാമ്പത്തിക ക്രമക്കേട് എന്നതിനുപരി ഗുരുതരമായ മനുഷ്യാവകാശ ലംഘനമാണ്. ജയലളിതയുടെ കാര്യത്തില്‍ ഇത് വ്യക്തമായിരിക്കുന്നു. ഇത്തരം ആളുകള്‍ക്ക് ജാമ്യം നല്‍കാന്‍ ഹൈക്കോടതിക്ക് സാധിക്കില്ലെന്നും വ്യക്തമാക്കി. 

കേസില്‍ ശിക്ഷയനുഭവിക്കുന്ന കൂട്ടുപ്രതികളായ ശശികല, ഇവരുടെ ബന്ധുക്കളായ വി.എന്‍. സുധാകരന്‍, ഇളവരശി എന്നിവക്കും ജാമ്യം ലഭിച്ചില്ല. വളരെ രാഷ്ട്രീയ സ്വാധീനമുള്ള ജയലളിതയ്ക്കു ജാമ്യം നല്‍കരുതെന്നു രാവിലെ ഭവാനി സിങ് ആവശ്യപ്പെട്ടിരുന്നു. എന്നാല്‍ പിന്നീട് ഉപാധികളോടെ ജാമ്യം അനുവദിക്കാമെന്ന് പ്രോസിക്യൂട്ടര്‍ കോടതിയോട് വ്യക്തമാക്കിയെങ്കിലും കോടതി വാദം അംഗീകരിച്ചില്ല.

കഴിഞ്ഞ ബുധനാഴ്ച ജാമ്യാപേക്ഷ പരിഗണിച്ച കര്‍ണാടക ഹൈക്കോടതിയുടെ പ്രത്യേക ബഞ്ച്, ഹര്‍ജി ഇന്ന് വീണ്ടും പരിഗണിക്കുകയായിരുന്നു. പുറത്തിറങ്ങിയാലും കേസില്‍ ഒരു സ്വധീനവും ജയലളിതയ്ക്ക് ചെലുത്താന്‍ കഴിയില്ലെന്നാണ് അവരുടെ അഭിഭാഷകന്‍ റാം ജത്ത് മലാനി കോടതിയില്‍ വാദിച്ചു. ലാലു പ്രസാദ് യാദവിന് കാല്ത്തീറ്റ കുംഭകോണ കേസില്‍ ഹൈക്കോടതി ജാമ്യം നിഷേധിച്ചിട്ടും സുപ്രീംകോടതി ജാമ്യം നല്‍കിയ കാര്യവും രാംജത് മലാനി പ്രതിപാതിച്ചെങ്കിലും ഫലം കണ്ടില്ല.

രാവിലെ 10.30 ഓടെ ജഡ്ജി കോടതിയില്‍ എത്തിയയുടന്‍ രാംജത് മലാനി ജയലളിതയുടെ ഹര്‍ജി ആദ്യം പരിഗണിക്കണമെന്ന്  ആവശ്യപ്പെട്ടിരുന്നു. എന്നാല്‍ മറ്റു കേസുകള്‍ക്കൂടി പരിഗണിക്കേണ്ടതിനാല്‍ ക്രമനമ്പര്‍ പ്രകാരമെ കേസ് പരിഗണിക്കൂ എന്ന് കോടതി അറിയിച്ചു. ഇന്നുതന്നെ ജയലളിത തമിഴ്‌നാട്ടില്‍ മടങ്ങിയെത്തുമെന്ന പ്രതീക്ഷയില്‍ വലിയ സ്വീകരണത്തിനുള്ള ഒരുക്കങ്ങളും പാര്‍ട്ടി നടത്തിയിരുന്നു.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha