23 കാരിയായ മോഡലിനെ യു എസിലെ ലാസ് വേഗസില്‍ നിന്ന് ഡെട്രോയറ്റിലേക്കുള്ള സ്പിരിറ്റ് എയര്‍ലൈന്‍സിന്റെ ഫ്‌ളൈറ്റില്‍ വെച്ച് പീഡിപ്പിക്കാന്‍ ശ്രമിച്ച ഇന്ത്യക്കാരന് 9 വര്‍ഷത്തെ തടവ് ശിക്ഷ. തമിഴ്‌നാട് സ്വദേശി പ്രഭു രാമമൂര്‍ത്തിയെയാണ് യു എസ് ഡിസ്ട്രിക്ട് ജഡ്ജ് ടെറന്‍സ് ബെര്‍ഗ് 9 വര്‍ഷത്തെ തടവിന് വിധിച്ചത്.

ജനുവരിയിലാണ് കേസിനാസ്പദമായ സംഭവം. സംഭവ ദിവസം രാത്രി ഭാര്യയോടൊപ്പമാണ് പ്രഭു രാമമൂര്‍ത്തി യാത്ര നടത്തിയത്.ഫ്‌ളൈറ്റില്‍ ഭാര്യയ്ക്കും മോഡലിനുമിടയിലിരുന്നാണ് പ്രഭു യാത്ര ചെയ്തിരുന്നത്. ഉറങ്ങുകയായിരുന്ന മോഡല്‍ തന്റെ ശരീരത്തില്‍ ഇയാള്‍ കൈ കടത്തിയതറിഞ്ഞപ്പോള്‍ ഞെട്ടിയുണരുകയായിരുന്നുവെന്ന് പ്രതിഭാഗം വക്കീല്‍ കോടതിയില്‍ വാദിച്ചു.

23 കാരിയായ മോഡല്‍ കുറ്റവാളി തന്റെ വസ്ത്രങ്ങള്‍ ഉരിഞ്ഞുമാറ്റാന്‍ ശ്രമിച്ചതായി കോടതിയെ അറിയിച്ചു. പ്രതിയ്ക്ക് 11 വര്‍ഷത്തെ തടവ് നല്‍കണമെന്നാണ് വാദി ഭാഗം കോടതിയോട് ആവശ്യപ്പെട്ടതെങ്കിലും 9 വര്‍ഷം പര്യാപ്തമണെന്നായിരുന്നു കോടതിയുടെ നിരീക്ഷണം.5 വര്‍ഷത്തെ തൊഴില്‍ വിസയിലാണ് പ്രഭുവും ഭാര്യയും യു എസില്‍ എത്തിയത്.

കോടതിയില്‍ സംഭവത്തെക്കുറിച്ച് വിശദീകരണം നല്‍കാന്‍ പ്രതി തയ്യാറായില്ല.മോഡലും ആണ്‍ സുഹൃത്തിനൊപ്പം കോടതിയില്‍ വാദം കേള്‍ക്കാന്‍ എത്തിയിരുന്നെങ്കിലും പ്രതികരിക്കാന്‍ തയ്യാറായില്ല. ശിക്ഷാ കാലാവധി കഴിഞ്ഞ് പ്രഭുവിനെയും ഭാര്യയയെയും ഇന്ത്യയിലേയ്ക്ക് തിരികെ അയക്കും.