വാഹനാപകടം; സൗദിയിൽ പ്രവാസി മലയാളിയ്ക്ക് ദാരുണാന്ത്യം
സൗദിയിൽ പ്രവാസി മലയാളി വാഹനാപകടത്തിൽ കൊല്ലപ്പെട്ടു. ആലപ്പുഴ പുള്ളികണക്ക് സ്വദേശി നമ്പൂഴിൽ കൃഷണൻ പിള്ളയുടെ മകൻ ശ്രീകുമാർ (49) ആണ് മരിച്ചത്. ചൊവ്വാഴ്ച അസീർ പ്രവിശ്യയിൽപെട്ട ഖമീസിൽ നിന്നും 15 കിലോമീറ്റർ അകലെ തന്തഹക്കടുത്തുണ്ടായ വാഹനാപകടത്തിലായിരുന്നു അദ്ദേഹം മരിച്ചത്.
ശ്രീകുമാർ ജോലി കാര്യത്തിനായി തരീബിലേക്ക് പോവുകയായിരുന്നു. തന്തഹക്കടുത്ത് ജംഗ്ഷനിൽ പാകിസ്താനി പൗരൻ ഓടിച്ച വാഹനം ഇയാളെ ഇടിച്ചു തെറിപ്പിക്കുകയായിരുന്നു. കരാർ വ്യവസ്ഥയിൽ പെയിൻറിംഗ് ജോലി ചെയ്ത് വരികയായിരുന്ന ഇദ്ദേഹം അഞ്ച് വർഷമായി സൗദിയിലുണ്ട്.
ഒന്നര വർഷം മുമ്പ് പുതിയ വിസയിലാണ് ഇവിടെ എത്തിയത്. ഭാര്യ: മഹേശ്വരി. രണ്ട് കുട്ടികളുണ്ട്. മൃതദേഹം ഹയാത്ത് ഹോസ്പിറ്റൽ മോർച്ചറിയിൽ. നിയമ നടപടിക്രമങ്ങൾ പൂർത്തികരിക്കുവാൻ അസീർ പ്രവാസി സംഘം ഖമീസ് ഏരിയ റിലീഫ് കൺവീനർ ഷൗക്കത്ത് ആലത്തൂർ സഹായത്തിനുണ്ട്.
https://www.facebook.com/Malayalivartha