കുവൈറ്റിൽ സാല്‍മിയയിലെ ഇന്ത്യന്‍ കമ്യൂണിറ്റി സ്‌കൂളിൽ ​ഉന്നതവിദ്യാഭ്യാസ മേള സംഘടിപ്പിക്കുന്നു. ഇന്ത്യന്‍ കമ്യൂണിറ്റി സ്​കൂള്‍ 60ാം വാര്‍ഷികത്തോടനുബന്ധിച്ചാണ് മേള സംഘടിപ്പിക്കുന്നത്. ജനുവരി 11, 12 തീയതികളില്‍ ഇന്ത്യന്‍ കമ്യൂണിറ്റി സ്​കൂള്‍ സീനിയര്‍ ബ്രാഞ്ച്​ അങ്കണത്തിലാണ്​ പരിപാടി.

ഇന്ത്യയിലെ പ്രമുഖ സര്‍വകലാശാലകള്‍ക്ക്​ പുറമെ അമേരിക്ക, ബ്രിട്ടന്‍, കാനഡ, മലേഷ്യ, ജോര്‍ജിയ തുടങ്ങി വിവിധ രാജ്യങ്ങളില്‍നിന്നുള്ള 40ലേറെ പ്രമുഖ സര്‍വകലാശാലകള്‍ മേളയിൽ അണിനിരക്കുന്നുണ്ട്. പ്രശസ്​ത കരിയര്‍ ഗുരു ഡോ. പി.ആര്‍. വെങ്കിട്ടരാമന്‍ മുഖ്യാതിഥിയാവും.

പരിപാടിയുടെ ഭാഗമായി വിവിധ കരിയര്‍ ഗൈഡന്‍സ്​ സെമിനാറുകളും സംഘടിപ്പിക്കുന്നുണ്ട്​. എട്ട്​, ഒമ്ബത്​, പത്ത്​ ക്ലാസുകളിലെ കുട്ടികള്‍ക്കായി വെള്ളിയാഴ്​ച രാവിലെ 9.30നും ഉച്ചക്ക്​ രണ്ടിനും വൈകീട്ട്​ 4.30നും കരിയര്‍ ഗൈഡന്‍സ്​ ക്ലാസുണ്ടാവും.

ശനിയാഴ്​ച രാവിലെ9 നും 11.30നും 2.30നും 11, 12 ക്ലാസുകളിലെ കുട്ടികള്‍ക്കായി സെമിനാര്‍ നടത്തുന്നു. ഡോ. പി.ആര്‍. വെങ്കിട്ടരാമന്‍ സെമിനാര്‍ നയിക്കും. www.icsk- kw.com/edufair എന്ന വെബ്​സൈറ്റിലൂടെ രജിസ്​റ്റര്‍ ചെയ്​ത്​ കുവൈത്തിലെ ഇന്ത്യന്‍ സ്​കൂളുകളിലെ വിദ്യാര്‍ഥികള്‍ക്ക്​ സൗജന്യമായി സെമിനാറില്‍ പ​ െങ്കടുക്കാം.

പരിപാടിയുടെ ഭാഗമായി നേരത്തെ ഇന്ത്യന്‍ സ്​കൂളുകളിലെ എട്ട്​, ഒമ്ബത്​, പത്ത്​ ക്ലാസുകളിലെ കുട്ടികള്‍ക്കായി അഭിരുചി പരിശോധന നടത്തിയിരുന്നു. വിദ്യാര്‍ഥികള്‍ക്കും രക്ഷിതാക്കള്‍ക്കുമായി 13,14,15 തീയതികളില്‍ രാവിലെ മുതല്‍ വൈകീട്ട്​ ​വരെ സീനിയര്‍ ബ്രാഞ്ചില്‍ കൗണ്‍സലിങ്​ സൗകര്യമുണ്ടാവും.

ഇന്ത്യയില്‍നിന്നുള്ള പ്രമുഖ കൗണ്‍സലര്‍മാര്‍ സംബന്ധിക്കും. വെള്ളിയാഴ്​ച രാവിലെ 8.30ന്​ നടക്കുന്ന​ ഉദ്​ഘാടനച്ചടങ്ങില്‍. കുവൈത്തിലെ മലേഷ്യന്‍ അംബാസഡര്‍ ദത്തോ മുഹമ്മദ്​ അലി വിശിഷ്​ടാതിഥിയാവും.

വാര്‍ത്താസമ്മേളനത്തില്‍ ഇന്ത്യന്‍ കമ്യൂണിറ്റി സീനിയര്‍ ബ്രാഞ്ച്​ പ്രിന്‍സിപ്പല്‍ ഡോ. വി. ബിനുമോന്‍, ചെയര്‍മാന്‍ ശൈഖ്​ അബ്​ദുറഹ്​മാന്‍, സെക്രട്ടറി അമീര്‍ മുഹമ്മദ്​, വൈസ്​ ചെയര്‍മാന്‍ വിനുകുമാര്‍, വൈസ്​ പ്രിന്‍സിപ്പല്‍ ഡോ. സാം ടി. കുരുവിള, ഡെപ്യൂട്ടി വൈസ്​ പ്രിന്‍സിപ്പല്‍ മിനി സൂസന്‍ രാജേഷ്​, പ്രോജക്​ട്​ ഡയറക്​ടര്‍ മിനി ഷാജി ജോസഫ്​ എന്നിവര്‍ സംബന്ധിച്ചു.ഒരുവര്‍ഷം നീണ്ടു നിൽക്കുന്ന ഡയമണ്ട്​ ജൂബിലി ആഘോഷത്തിന്റെ ഭാഗമായി നടത്തുന്ന വിവിധ പരിപാടികളിലെ ആദ്യത്തേതാണ് ​ഉന്നതവിദ്യാഭ്യാസ മേള.