മോഹന്ലാല് ചിത്രം ഹലോയുടെ ഷൂട്ടിംഗിനിടെ സംഭവിച്ചത്
മോഹന്ലാലിന്റെ സിനിമാജീവിതത്തിലെ ഏറ്റവും മികച്ച ഹിറ്റുകളിലൊന്നാണ് 'ഹലോ' എന്ന സിനിമ. കോമഡിയും ആക്ഷനും പ്രണയവും ചേര്ന്ന ചിത്രത്തില് മോഹന്ലാല് അവതരിപ്പിച്ച ശിവന്രാമന് എന്ന കഥാപാത്രം ഇന്നും ജനപ്രിയമാണ്. വലിയ വിജയമായി മാറിയ സിനിമയുടെ ലൊക്കേഷനില് എല്ലാവരെയും വേദനിപ്പിച്ച ഒരു സംഭവത്തിന്റെ ഓര്മ്മ പങ്കുവയ്ക്കുകയാണ് പ്രൊഡക്ഷന് കണ്ട്രോളര് സിദ്ധു പനയ്ക്കല്.
ഷൂട്ടിംഗ് ആരംഭിച്ച ദിവസം തന്നെ മോഹന്ലാലിന്റെ അച്ഛന്റെ മരണം സംഭവിച്ചതിനെപ്പറ്റിയാണ് സിദ്ധു പനയ്ക്കല് പറയുന്നത്. മോഹന്ലാലിന്റെ അച്ഛന്റെ ആരോഗ്യം വഷളാണെന്ന വാര്ത്തയറിഞ്ഞ് ഷൂട്ടിംഗ് നിര്ത്തിവച്ച് താരം വിട്ടിലേക്ക് മടങ്ങി. എന്നാല്, ആ ദിവസം തന്നെ മരണം സംഭവിക്കുകയായിരുന്നെന്ന് സിദ്ധു പനയ്ക്കല് കുറിച്ചു.
'ഹലോ എന്ന സിനിമയുടെ ആദ്യ ദിവസത്തെ ഷൂട്ടിംഗിന്റെ ഫോട്ടോകളില് ഒന്നാണിത്. വരിക്കാശേരി മനയാണ് ലൊക്കേഷന്. സാധാരണ എന്റെ സുഹൃത്തുക്കളൊക്കെ ഞാനുമായി ഫോണില് സംസാരിക്കുമ്പോള് ഏതാണ് അടുത്ത പടമെന്നൊക്കെ ചോദിക്കാറുണ്ട്. ഞാന് പടത്തിന്റെ പേരും പറയും. ഈ പടം വന്നപ്പോള് ഇതേ ചോദ്യത്തിന് ഞാന് 'ഹലോ' എന്ന് മറുപടി പറയും. ഉടനെ അവിടെ നിന്ന് ഹലോ എന്ന് തിരിച്ച് പറയും.
സംസാരിക്കുന്നത് എനിക്ക് കേള്ക്കുന്നില്ല എന്ന രീതിയിലാണ് അവര് ഹലോ എന്ന് പറയുന്നത്. ഹലോ എന്ന് രണ്ടോ മൂന്നോ തവണ അങ്ങോട്ടും ഇങ്ങോട്ടും ആവര്ത്തിച്ച ശേഷമാണ് ഇത് സിനിമയുടെ പേരാണെന്ന് അവര്ക്ക് മനസിലാകുന്നത്. ഒറ്റപ്പാലം, ഊട്ടി, തിരുവനന്തപുരം ഇവിടങ്ങളിലൊക്കെയായിരുന്നു ലൊക്കേഷന്. ജിതിന് ആര്ട്സിന്റെ ബാനറില് ജോയ് ശക്തികുളങ്ങര നിര്മ്മിച്ച ഈ ചിത്രത്തിന്റെ കഥയും തിരക്കഥയും എഴുതി സംവിധാനം ചെയ്തത് റാഫി മെക്കാര്ട്ടിനാണ്.
https://www.facebook.com/Malayalivartha
