ഭാര്യയുടെ ഒറ്റചോദ്യത്തില്‍ വേണ്ടാന്നുവച്ച പ്രൊമോഷന് വന്ന ആളാണ് ഞാന്‍; ഇച്ചായാ..നമ്മുടെ മാരുതി ആള്‍ട്ടോ വിറ്റാല്‍ 15 ലക്ഷം പിഴ അടയ്ക്കാന്‍ പറ്റുമോ? പ്രമോഷന്‍ പരിപാടിക്കിടെ ആയിരുന്നു ജോജി ജോണിന്റെ രസകരമായ പ്രതികരണം
എബ്രിഡ് ഷൈനിന്റെ സ്പായുടെ പ്രമോഷന്‍ പരിപാടിക്കിടെ നടന്‍ ജോജി ജോണിന്റെ രസകരമായ പ്രതികരണമാണ് ഇപ്പോള്‍ ചര്‍ച്ചയാകുന്നത്. നടന്‍ ബിജു മേനോനും നിര്‍മാതാവും തമ്മില്‍ പ്രൊമോഷന്റെ പേരില്‍ നടന്ന തര്‍ക്കങ്ങളും പിഴ ഈടാക്കിയതുമെല്ലാം മലയാള സിനിമയില്‍ വലിയ ചര്‍ച്ചയായി മാറിയിരിക്കുകയാണ്. ബിജു മേനോന്‍ പൈസ നല്‍കാമെന്ന് പറഞ്ഞെന്ന് നിര്‍മാതാവ് അനൂപ് കണ്ണന്‍ കുറച്ച് മുന്‍പ് വ്യക്തമാക്കുകയും ചെയ്തിട്ടുണ്ട്. ഇപ്പോഴിതാ പ്രൊമോഷന് വരാന്‍ താല്പര്യമില്ലായിരുന്നുവെന്നും പിഴ കൊടുക്കാന്‍ പണമില്ലാത്തത് കൊണ്ടാണ് താന്‍ വന്നതെന്നും പറയുകയാണ് നടന്‍ ജോജി ജോണ്‍.
'പ്രൊമോഷന് വേണ്ടി നിര്‍മാതാവ് വിളിച്ചപ്പോള്‍ ഞാന്‍ വരുന്നില്ലെന്നായിരുന്നു എന്റെ തീരുമാനം. മറ്റൊന്നുമല്ല കുറേ അഭിമുഖങ്ങളൊക്കെ കൊടുത്തു. അപ്പോള്‍ ഇനി വേണ്ടെന്നൊക്കെ ചിന്തിച്ച് വീട്ടില്‍ ഇരിക്കുകയായിരുന്നു. പക്ഷേ എന്റെ ഭാര്യ രാവിലെ പറഞ്ഞു ഇച്ചായ നമുക്ക് പോകണം.
കാരണം പോകാത്തതിന്റെ പേരില്‍ നിര്‍മാതാവ് 15 ലക്ഷം രൂപ പിഴയിട്ടാല്‍ നമ്മള്‍ എവിടെന്നെടുത്തിട്ട് കൊടുക്കും. ആകപ്പാടെ ഒരു മാരുതി ആള്‍ട്ടോ കാറെ ഉള്ളൂ. അത് വിറ്റാല്‍ അത്രയും തുക കിട്ടുകയും ഇല്ലെന്ന് പറഞ്ഞു. അങ്ങനെ പണമില്ലാത്തതിന്റെ പേരില്‍ പ്രൊമോഷന് വന്ന ആളാണ് ഞാന്‍', എന്നായിരുന്നു ജോജി ജോണിന്റെ പ്രതികരണം.
https://www.facebook.com/Malayalivartha
