ഒമാനിൽ ഡെങ്കിപ്പനി പടരുന്നതായി റിപ്പോർട്ട്. ഇതിനോടകം ഒമാനിൽ 40 പേ​ര്‍​ക്ക്​ ഡെ​ങ്കി​പ്പ​നി ബാ​ധി​ച്ച​താ​യി ആ​രോ​ഗ്യ മ​ന്ത്രാ​ല​യ​ത്തി​ലെ രോ​ഗ​നി​യ​ന്ത്ര​ണ ഡ​യ​റ​ക്​​ട​ര്‍ ജ​ന​റ​ല്‍ ഡോ. ​സെ​യ്​​ഫ്​ അ​ല്‍ അ​ബ്​​റി അറിയിച്ചു.

ഡെ​ങ്കി​പ്പ​നി പ​ര​ത്തു​ന്ന ഈഡി​സ്​ ഈ​ജി​പ്​​തി കൊ​തു​ക​ക​ളു​ടെ നി​ര്‍​മാ​ര്‍​ജ​ന​ത്തി​ന്​ മ​സ്​​ക​ത്ത്​ ന​ഗ​ര​സ​ഭ​യു​മാ​യി ചേ​ര്‍​ന്ന്​ ആ​രോ​ഗ്യ മ​ന്ത്രാ​ല​യം ന​ട​ത്തു​ന്ന കാ​മ്ബ​യി​നി​ന്റെ ഉ​ദ്​​ഘാ​ട​ന പ​രി​പാ​ടി​യി​ല്‍ സം​സാ​രി​ക്കു​ക​യാ​യി​രു​ന്നു അ​ദ്ദേ​ഹം. 2018 ഡിസംബര്‍ രണ്ടാം വാരത്തിലാണ് ഒമാനില്‍ ഒരാള്‍ക്ക് ഡെങ്കിപ്പനി കണ്ടെത്തിയതായി ആരോഗ്യ മന്ത്രാലയം സ്ഥിരീകരിച്ചത്.

തുടര്‍ന്ന് നടത്തിയ സര്‍വേയിലും പരിശോധനയിലും ഡെങ്കിപ്പനി പകര്‍ത്തുന്ന കൊതുകായ ഈഡിസ് ഈജിപ്തിയെ സീബില്‍ കണ്ടെത്തിയിരുന്നു. രോഗം പ്രാദേശികമായി പകര്‍ന്നതാണെന്ന് മനസ്സിലാക്കിയതിന്റെ അടിസ്ഥാനത്തിലാണ് സര്‍വേ സംഘടിപ്പിച്ചത്.

ക്യാമ്പയിനിൽ വീ​ടു​ക​ളി​ലെ സ​ന്ദ​ര്‍​ശ​നം പ്ര​ധാ​ന​മാ​ണെ​ന്നും റെ​ക്കോ​ര്‍​ഡ്​ സ​മ​യം​കൊ​ണ്ട്​ പ​ക​ര്‍​ച്ച​വ്യാ​ധി നി​ര്‍​മാ​ര്‍​ജ​നം ചെ​യ്​​തി​ല്ലെ​ങ്കി​ല്‍ പൊ​തു​ജ​നാ​രോ​ഗ്യ​ത്തി​ന്​ ഗു​രു​ത​ര പ്ര​ത്യാ​ഘാ​ത​മു​ണ്ടാ​കു​മെ​ന്നും ഡോ. ​അ​ഹ്​​മ​ദ്​ മു​ഹ​മ്മ​ദ്​ അ​ല്‍ സൗദി പ​റ​ഞ്ഞു.

നീന്തല്‍ക്കുളങ്ങള്‍, ഫൗണ്ടനുകള്‍, കാര്‍ഷികാവശ്യത്തിനുള്ള കുടങ്ങള്‍ എന്നിവയിലെ വെള്ളം അഞ്ചു ദിവസം കൂടുമ്പോള്‍ മാറ്റണം. ജലസംഭരണികള്‍ വൃത്തിയായി സൂക്ഷിക്കുകയും ശരിയായി മൂടുകയും വേണം. പക്ഷികള്‍, മൃഗങ്ങള്‍ എന്നിവക്ക് വെള്ളം കൊടുക്കുന്ന പാത്രങ്ങളില്‍ വീണ്ടും വെള്ളം നിറക്കുന്നതിന് മുമ്പ് പാത്രത്തില്‍ ബാക്കിയുള്ള വെള്ളം ഒഴുക്കിക്കളയണം. ഉപയോഗിച്ച് ഉപേക്ഷിച്ച ടയറുകള്‍ നശിപ്പിക്കണം. കുപ്പികളും കേടുവന്ന പാത്രങ്ങളും ശരിയായ വിധം നശിപ്പിക്കണം തുടങ്ങിയ കാര്യങ്ങള്‍ ശ്രദ്ധിക്കണമെന്ന് നഗരസഭ അധികൃതര്‍ നിര്‍ദേശിച്ചു.

മസ്‌കത്ത് ഗവര്‍ണറേറ്റില്‍ വിപുലമായ രീതിയില്‍ ക്യാമ്പയിന്‍ നടത്താനുള്ള പദ്ധതിയാണ് ആവിഷ്‌കരിച്ചിട്ടുള്ളത്. ക്യാമ്പയിന്‍ പ്രവര്‍ത്തനങ്ങള്‍ ചൊവ്വാഴ്ച ആരംഭിച്ച് ജനുവരി 21 വരെ നീണ്ടുനില്‍ക്കും. സന്നദ്ധ പ്രവര്‍ത്തകര്‍ 4000ത്തോളം വീടുകള്‍ സന്ദര്‍ശിച്ച് ആവശ്യമായ നടപടികള്‍ സ്വീകരിക്കും. 1000ത്തോളം സന്നദ്ധ പ്രവര്‍ത്തകരെയാണ് ഇതിനായി പരിശീലനം നല്‍കി തയാറാക്കിയിരിക്കുന്നത്.