ദുബായിയിൽ പതിനായിരക്കണക്കിന് പ്രവാസി തൊഴിലാളികള്‍ക്ക് അഭിവാദ്യമറിയിച്ച് കോണ്‍ഗ്രസ് ദേശീയ അധ്യക്ഷന്‍ രാഹുല്‍ ഗാന്ധി. ഈ മഹാരാജ്യം കെട്ടിപ്പടുക്കാന്‍ പങ്കുവഹിച്ച നിങ്ങളോരോരുത്തരെയും ഇന്ത്യന്‍ ജനതക്കു വേണ്ടി ഞാൻ അഭിവാദ്യം ചെയ്യുന്നു

നിങ്ങളാണ് ഈ നാട് നിർമ്മിച്ചത്. ഈ നഗരവും ഇവിടുത്തെ വലിയ കെട്ടിടങ്ങളും വിമാനത്താവളവും മെട്രോയുമെല്ലാം നിര്‍മിക്കാന്‍ നിങ്ങളാണ് വിയര്‍പ്പൊഴുക്കിയത്, നിങ്ങളുടെ രക്തവും സമയവുമാണ് ഇതിനായി ചെലവിട്ടത്. - രാഹുൽ ഗാന്ധി പറഞ്ഞു. നിങ്ങളെപ്പോലൊരുവനാണ് ഞാനും. എന്റെ ഈ സന്ദര്‍ശനം ഞാൻ സൗഭാഗ്യമായി കരുതുന്നു​- രാഹുൽ ഗാന്ധി വ്യക്തമാക്കി

അതേസമയം , ഞാന്‍ വന്നത് മന്‍ കീ ബാത്ത് പറയാനല്ലെന്നും നിങ്ങളെ മനസു തുറന്ന് കേള്‍ക്കാനാണെന്നും പ്രതിയോഗിയുടെ പേരു പറയാതെ രാഹുൽ പരിഹസിച്ചു. ഭയപ്പാട് വേണ്ട, എന്നെകൊണ്ട് കഴിയും വിധമെല്ലാം നിങ്ങളെ സഹായിക്കാന്‍ ഞാനും എ​​ന്റെ പ്രസ്ഥാനവുമുണ്ടാവും. രാജ്യത്ത് പോര്‍മുഖം തുറന്നു കഴിഞ്ഞു. നിങ്ങളെല്ലാവരും ഒപ്പം വേണം. നാം വിജയിക്കാന്‍ പോവുകയാണ്​ രാഹുല്‍ പറഞ്ഞു.

ഓവര്‍സീസ് ഇന്ത്യന്‍ കോണ്‍ഗ്രസ് പ്രസിഡന്‍റ് ഡോ. സാം പിത്രോഡ, മുന്‍ മുഖ്യമന്ത്രി ഉമ്മന്‍ ചാണ്ടി എന്നിവരും രാഹുലിനൊപ്പം വേദി പങ്കിട്ടു.

കോൺഗ്രസ് പ്രവാസി സംഘടനകളിലെ പ്രശ്നങ്ങൾ പഠിച്ചു പരിഹരിക്കുക എന്ന ലക്ഷ്യവും നേതാക്കളുടെ സന്ദർശനത്തിനു പിന്നിലുണ്ട്

വ്യാ​ഴാ​ഴ്ച രാ​ത്രി​യി​ൽ ദു​ബാ​യ് അ​ന്താ​രാ​ഷ്ട്ര വി​മാ​ന​ത്താ​വ​ള​ത്തി​ലെ​ത്തി​യ രാ​ഹു​ലി​ന് പ്ര​വാ​സി​ക​ളും കോ​ൺ​ഗ്ര​സ് നേ​താ​ക്ക​ളും ആ​വേ​ശ​ക​ര​മാ​യ സ്വീ​ക​ര​ണമാണ് ന​ൽ​കിയത്.