മദീനയിൽ പനി ബാധിച്ച്​ ചികിത്സയിലായിരുന്ന പ്രവാസി മലയാളി മരണപ്പെട്ടു. തൃശ്ശൂർ പുന്നയൂർ എടക്കഴിയൂർ സ്വദേശി പുവ്വത്തിങ്ങൽ അബ്​ദുൽ കബീർ (49) ആണ് നിര്യാതനായത്. ഇദ്ദേഹം മദീനയിൽ ഹൗസ് കീപ്പറായി ജോലി ചെയ്ത് വരികയായിരുന്നു.

ഒരാഴ്ച്ചയായി പനി ബാധിച്ചതിനെ തുടർന്ന് കിങ്​ ഫഹദ് ആശുപത്രിയിൽ ചികിത്സയിലായിരുന്നു. മുമ്പ് ദമ്മാമിൽ ജോലി ചെയ്തിരുന്ന അദ്ദേഹം ഒരു മാസം മുൻപാണ് മദീനയിലെ പുതിയ സ്പോൺസർക്ക്​ കീഴിൽ ജോലിക്കെത്തിയത്. നിയമ നടപടികൾക്ക് ശേഷം ജന്നത്തുൽ ബഖീഅയിൽ ഖബറടക്കുമെന്ന്​ ബന്ധപ്പെട്ടവർ അറിയിച്ചു.