ദക്ഷിണാഫ്രിക്കയ്‌ക്കെതിരെ ഇന്ത്യയ്ക്ക് തകർപ്പൻ ജയം. ഇന്ത്യ ഉയർത്തിയ 241 റൺസ് വിജയ ലക്ഷ്യം പിന്തുടർന്ന ദക്ഷിണാഫ്രിക്കയ്ക്ക് 7 വിക്കറ്റ് നഷ്ടത്തിൽ 210 റൺസെടുക്കാനാണ് കഴിഞ്ഞത്.

സൗത്താഫ്രിക്കയുടെ ടോപ് സ്‌കോറർ 21 പന്തിൽ 45 റൺസെടുത്ത സ്റ്റബ്‌സാണ് . 21 പന്തിൽ 44 റൺസെടുത്ത റയാൻ റിക്കിൽട്ടൺ, 19 പന്തിൽ നിന്ന് 38 റൺസെടുത്ത നായകൻ എയ്ഡൻ മക്രം, 23 പന്തിൽ 35 റൺസെടുത്ത ജേസൺ സ്മിത്ത്, 14 പന്തിൽ 30 റൺസ് മാർക്കോ ജാൻസൺ എന്നിവർ ഭേദപ്പെട്ട പ്രകടനമാണ് കാഴ്ച വെച്ചത്. ടോസ് നേടി ആദ്യം ബാറ്റ് ചെയ്ത ഇന്ത്യ 20 ഓവറിൽ 5 വിക്കറ്റ് നഷ്ടത്തിലാണ് 240 റൺസെടുത്തത്. ഓപ്പണറായി ഇറങ്ങി 20 പന്തിൽ ഏഴ് സിക്‌സും രണ്ട് ഫോറും അടിച്ച് 53 റൺസെടുത്ത ഇഷാൻ കിഷനാണ് ഇന്ത്യയുടെ ടോപ് സ്‌കോററായത്.

ഇഷാൻ കിഷൻ (20 പന്തിൽ 53), അഭിഷേക് ശർമ (18 പന്തിൽ 24), തിലക് വർമ (18 പന്തിൽ 45), ഹർദിക് പാണ്ഡ്യ (10 പന്തിൽ 30), സൂര്യകുമാർ യാദവ് (16 പന്തിൽ 30), അക്ഷർ പട്ടേൽ (18 പന്തിൽ 29) എന്നിങ്ങനെ ഇന്ത്യയ്ക്കു വേണ്ടി ബാറ്റെടുത്തവരെല്ലാം തിളങ്ങി. ക്രീസിലിറങ്ങിയവരെല്ലാം തകർത്തടിച്ച മത്സരത്തിൽ മലയാളി താരം സഞ്ജു സാംസണ് ബാറ്റിങ്ങിന് അവസരം ലഭ്യമായില്ല.