ഈറ്റ് റൈറ്റ് കേരള: സേഫ് ഫുഡ് ഫോര്‍ ബെറ്റര്‍ ലൈഫ് - ദ്വിദിന പരിപാടി
05 FEBRUARY 2026 06:49 AM IST
മലയാളി വാര്‍ത്ത
കുട്ടികളിലും മുതിര്‍ന്നവരിലും ആരോഗ്യകരമായ ഭക്ഷണശീലം വളര്‍ത്തുന്നതിനും ജീവിതശൈലീ രോഗങ്ങള്‍ തടയുന്നതിനും അത് വഴി ആരോഗ്യമുള്ള ഒരു തലമുറയെ സൃഷ്ടിക്കുക എന്ന ഉദ്ദേശ്യത്തോടുകൂടി മില്ലറ്റ് റെസിപ്പി കോമ്പറ്റീഷന്‍, വിവിധ വിഷയങ്ങളില്‍ സെമിനാറുകള്‍, നാഷണല്‍ മീറ്റ് റിസര്‍ച്ച് ഇന്‍സ്റ്റിറ്റ്യൂട്ട് ഹൈദരാബാദുമായി സഹകരിച്ച് മാംസവ്യാപാര മേഖലയില്‍ പ്രവര്‍ത്തിക്കുന്നവര്‍ക്കുള്ള പരിശീലന പരിപാടി, വൈബ് ഫോര്‍ വെല്‍നസിന്റെ ഭാഗമായി ഓഫീസ് യോഗ, ഫുഡ് ഫെസ്റ്റ്, ഭക്ഷ്യ സുരക്ഷാ ബോധവല്‍കരണത്തിനായി വിവിധ വകുപ്പുകളുടെ സ്റ്റാളുകള്‍, കള്‍ച്ചറല്‍ പ്രോഗ്രാം എന്നിവ ഉള്‍പ്പെടുത്തിയിട്ടുണ്ട്.
ഭക്ഷ്യസുരക്ഷാ വകുപ്പ് തയ്യാറാക്കിയ മാസ്‌ക്കോട്ട് റിലീസ്, സംസ്ഥാനത്തെ ജില്ലകളുടെ ഭക്ഷ്യസുരക്ഷാ പ്രവര്‍ത്തനങ്ങള്‍ വിലയിരുത്തുന്നതിനും മികച്ച പ്രവര്‍ത്തനം നടത്തുന്ന ജില്ലകളെ തിരഞ്ഞെടുക്കുന്നതിനുമായുള്ള ഡിസ്ട്രിക്ട് ഫുഡ്‌സേഫ്റ്റി ഇന്‍ഡക്‌സ് പ്രഖ്യാപനം, ഭക്ഷ്യവിഷബാധകളില്‍ സ്വീകരിക്കേണ്ട നടപടികളെ സംബന്ധിച്ച് ഭക്ഷ്യസുരക്ഷാ ഓഫീസര്‍മാര്‍ക്കുള്ള നിര്‍ദ്ദേശ പുസ്തകത്തിന്റെ പ്രകാശനം എന്നിവയുമുണ്ടാകും. 2024-25 വര്‍ഷം മികച്ച ഭക്ഷ്യ സുരക്ഷാ പ്രവര്‍ത്തനം നടത്തിയ ജില്ലകള്‍ക്കും, സര്‍ക്കിളുകള്‍ക്കും, ഭക്ഷ്യ സുരക്ഷാ ലാബുകള്‍ക്കും, ഭക്ഷ്യ സുരക്ഷാ ഓഫീസര്‍മാര്‍ക്കും അവാര്‍ഡുകള്‍ വിതരണം ചെയ്യും.
ഫെബ്രുവരി 6ന് രാവിലെ 10 മണി മുതല്‍ safe food practices food sector stake holders എന്ന വിഷയത്തില്‍ സെമിനാര്‍ ഉണ്ടായിരിക്കും. KHRA, Bakers, caterers, classified hotel asosciation, കുടുംബശ്രീ യൂണിറ്റ് പ്രതിനിധികള്‍ തുടങ്ങിയവര്‍ പങ്കെടുക്കും.
മില്ലറ്റ് മാര്‍വെല്‍സ് 2026 എന്ന പേരില്‍ 30 ഓളം ടീമുകള്‍ പങ്കെടുക്കുന്ന മില്ലറ്റ് മേളയും സംഘടിപ്പിച്ചിട്ടുണ്ട്. ഇതോടനുബന്ധിച്ച് ഒരുക്കിയിട്ടുള്ള എക്‌സിബിഷന്‍ സ്റ്റാളില്‍ ഭക്ഷ്യസുരക്ഷാ വകുപ്പിനെ കൂടാതെ ഡ്രഗ്, എന്‍എച്ച്എം, ഫിഷറീസ്, അഗ്രികള്‍ച്ചര്‍, മില്ലറ്റ് സംരംഭകര്‍ നാഷണല്‍ മീറ്റ് റിസര്‍ച്ച് ഇന്‍സ്റ്റിറ്റ്യൂട്ട് ഹൈദരാബാദ് എന്നിവര്‍ സ്റ്റാളുകള്‍ ക്രമീകരിക്കുന്നു .
ഉച്ചയ്ക്ക് 2.30 മുതല്‍ നാഷണല്‍ മീറ്റ് റിസര്‍ച്ച് ഇന്‍സ്റ്റിറ്റ്യൂട്ട് ഹൈദരാബാദിന്റെ പങ്കാളിത്തത്തോടെ 'From Slaughter to Plate- Best and Innovative Practices for Safe and Sustainable Meat production എന്ന വിഷയത്തില്‍ നാഷണല്‍ മീറ്റ് റിസര്‍ച്ച് ഇന്‍സ്റ്റിറ്റ്യൂട്ട് ഹൈദരാബാദിലെ വിദഗ്ദര്‍ ട്രെയിനിങ് ക്ലാസ് നയിക്കുന്നു. ഈ ട്രെയിനിങ് സെഷനില്‍ സംസ്ഥാനത്തെ മാംസ വ്യാപാരികള്‍, മാംസ സംസ്‌കരണത്തില്‍ ഏര്‍പ്പെട്ടിരിക്കുന്നവര്‍, സംരംഭകര്‍, തദ്ദേശ സ്വയംഭരണ സ്ഥാപനങ്ങളിലെ ആരോഗ്യ വിഭാഗം ഉദ്യോഗസ്ഥര്‍ എന്നിവര്‍ പങ്കെടുക്കുന്നു.
രണ്ടാം ദിവസമായ ഏഴിന് രാവിലെ 10 മണി മുതല്‍ വൈബ് ഫോര്‍ വെല്‍നസിന്റെ ഭാഗമായി നാഷണല്‍ ആയുഷ് മിഷനുമായി സഹകരിച്ച് ഓഫീസ് യോഗ സംഘടിപ്പിച്ചിട്ടുണ്ട്. രാവിലെ 10.30 മുതല്‍ Low Salt, Low Sugar, Low Fat എന്ന വിഷയത്തില്‍ ആരോഗ്യ വിദഗ്ധര്‍ പങ്കെടുക്കുന്ന സെമിനാര്‍ നടത്തുന്നു. ഇതില്‍ ആരോഗ്യ പ്രവര്‍ത്തകര്‍, വിദ്യാര്‍ത്ഥികള്‍, പൊതുജനങ്ങള്‍ എന്നിവര്‍ പങ്കെടുക്കും. "
അപ്പപ്പോഴുള്ള വാര്‍ത്തയറിയാന്‍ ഞങ്ങളുടെ ഫേസ്‌ബുക്ക്‌ പേജ് LIKE ചെയ്യുക
https://www.facebook.com/Malayalivartha
https://www.facebook.com/Malayalivartha
