റിയാദിൽ ഹൃദയാഘാതത്തെത്തുടർന്ന് പ്രവാസി മലയാളി കുഴഞ്ഞു വീണു മരിച്ചു. പാലക്കാട്​ പട്ടാണിതെരുവ്​ സ്വദേശി മുഹമ്മദ്​ ജമീസ്​ (43) ആണ്​ ബത്​ഹയിലെ സ്വകാര്യ ക്ലിനിക്കിൽ മരിച്ചത്​.

ബത്​ഹ ശാര റെയിലിലെ ഗൾഫ്​ വോയേജ്​ എന്ന ട്രാവൽ ഏജൻസിയിൽ 10 വർഷമായി ജോലി ചെയ്യുന്ന യുവാവ്​ വ്യാഴാഴ്​ച രാവിലെ 7.15 ഓടെ നെഞ്ച്​ വേദനയെ തുടർന്നാണ്​ ക്ലിനിക്കിലെത്തിയത്​. ക്ലിനിക്കിലെത്തിയതും തളർച്ച തോന്നി കസേരയിൽ ഇരുന്ന ഉടൻ കുഴഞ്ഞുവീഴുകയായിരുന്നു. അടിയന്തര ശശ്രൂഷ നൽകിയെങ്കിലും ജീവൻ രക്ഷിക്കാനായില്ല.

മൃതദേഹം ശുമൈസി ആശുപത്രി മോർച്ചറിയിൽ സൂക്ഷിച്ചിരിക്കുകയാണ്​. നാട്ടിൽ കൊണ്ടുപോകും. ഭാര്യ: സെമിയത്ത്​, മക്കൾ: ജുസൈല (10ാം ക്ലാസ്​ വിദ്യാർഥിനി), ജിയാസ് (അഞ്ചാം ക്ലാസ്​ വിദ്യാർഥി)​.