കോവിഡില് പ്രവാസിയുടെ വേദന... പ്രവാസം മൂന്ന് പതിറ്റാണ്ടിലധികം താണ്ടിയ ഒരാള്ക്ക് നാട്ടില് കഴിയാന് സാധിച്ച കാലം എത്രയായിരിക്കും? ഗദ്ഗദത്തോടെ ഗള്ഫിലിരുന്ന് സലിം... വിഡിയോ കണ്ട ലോകം മുഴുവന് കരഞ്ഞു.
പ്രവാസം മൂന്ന് പതിറ്റാണ്ടിലധികം താണ്ടിയ ഒരാള്ക്ക് നാട്ടില് കഴിയാന് സാധിച്ച കാലം എത്രയായിരിക്കും? ഗദ്ഗദത്തോടെ ഗള്ഫിലിരുന്ന് സലിം ഇതു ചോദിച്ചപ്പോള് കണ്ടവരെല്ലാം ചിന്തിക്കുകയും ഒരു വേള കരയുകയും ചെയ്തു. ഈ ടിക് ടോക് വിഡിയോയാണ് അബ്ദുല്ല സലീമിനെ സമൂഹമാധ്യമങ്ങളിലൂടെ പ്രിയങ്കരനാക്കിയത്. സൗദിയിലും യുഎഇയിലുമായി 32 വര്ഷത്തെ ജീവിതം നയിച്ച ഇദ്ദേഹം, പാസ്പോര്ട്ടുകള് അടുക്കിപ്പിടിച്ചാണ് കരഞ്ഞത്്. വിഡിയോ കണ്ട ലോകം മുഴുവന് കരഞ്ഞു. വിവാഹിതനായ ഒരാള് 32 വര്ഷം ഗള്ഫില് കഴിഞ്ഞാല് അവന് തന്റെ ഭാര്യയുമായി കഴിഞ്ഞ കാലം എത്രയാണെന്ന ചോദ്യവും അതിനു സലീം തന്നെ നല്കുന്ന മറുപടിയുമാണ് പ്രവാസികള് ഉള്പ്പെടെയുള്ളവരുടെ കരളില് കൊണ്ടത്. നിരവധി ടിക് ടോക് വിഡിയോ ചെയ്തുവെങ്കിലും അതില് നിന്നും വിപരീതമായി ആ ദയനീയദൃശ്യങ്ങള് ജനം ഏറ്റുപിടിച്ചു ഹിറ്റാക്കി.
32ാം വിവാഹ വാര്ഷികത്തില് നാട്ടിലേക്ക് വിളിച്ചപ്പോഴാണ് പ്രിയതമ ഹൃദയഭേദകമായ ആ ചോദ്യം ചോദിച്ചത്. 'ഈ കാലത്തിനിടയില് നമ്മള് എത്ര കാലം ഒന്നിച്ച് കഴിഞ്ഞിട്ടുണ്ടാകും. ജീവിത പുസ്തക ഏടുകളില് നിന്നു കൊഴിഞ്ഞു വീണ, ഒരിക്കലും തിരിച്ചു കിട്ടാത്ത സൗഭാഗ്യങ്ങളെ ഹൃദയസ്പൃക്കായി സലീം അവതരിപ്പിച്ചു.
പോറ്റി വളര്ത്തിയ പെണ്മക്കളെ കെട്ടിച്ചയക്കുന്നത് ഉള്പുളകം ഉളവാക്കുന്ന കാര്യമാണ്. എങ്കിലും അവള് യാത്ര പറഞ്ഞിറങ്ങുന്ന നിമിഷം ഏത് പിതാവിന്റെയും ഉള്ളൊന്ന് ഉലയും. കരള് പറിച്ചെടുക്കുന്ന പോലെ മകള് പടിയിറങ്ങുന്ന മംഗല്യ രംഗവും ടിക് ടോക്കിലൂടെ സലീം അവതരിപ്പിച്ചിട്ടുണ്ട്. കലയെ നെഞ്ചേറ്റുന്ന പ്രവാസി. ഇഷ്ടനടന്മാരും ഹാസ്യാവതാരകരുമെല്ലാം സലീമിനു വഴങ്ങി. കലാപരമായ ഇത്തരം ഇടപാടുകള്ക്ക് നാട്ടുകാരില് നിന്നുള്ള പിന്തുണയില്ലെങ്കിലും സുഹൃത്തുക്കള് മനം നിറഞ്ഞ് പ്രോത്സാഹിപ്പിക്കുന്നതാണ് സലീമിന്റെ സന്തോഷം.
ഭാര്യയും മക്കളും അകലെ നിന്നും ഉപ്പയുടെ അഭിനയം കണ്ട് ആനന്ദിക്കുന്നു. ടിക്ടോക്കിനപ്പുറത്തേക്ക് ഒരു വേദികളിലും പ്രത്യക്ഷപ്പെടാനും സലീമിന് താല്പര്യമില്ല. പ്രവാസത്തിലെ ഒഴിവ് വേള വിനിയോഗിക്കാനുള്ള സൗകര്യവും സര്ഗാത്മകവുമായ വഴിയും മാത്രമാണ് ടിക്ടോക്കുമായുള്ള കൂട്ട്.
കോവിഡ് കാലത്ത് പ്രവാസികളെ ക്രൂശിക്കാന് ഒളിഞ്ഞും തെളിഞ്ഞും ശ്രമം നടന്നപ്പോള് നാടിനും കുടുംബത്തിനും വേണ്ടി ജീവിതം ഹോമിക്കപ്പെടുന്ന പ്രവാസികളുടെ ആയുസിന്റെ പുസ്തകം ഉയര്ത്തിപ്പിടിക്കാന് സലീമിന്റെ അവതരണത്തിനായി. ലക്ഷക്കണക്കിന് കിലോമീറ്ററുകള് വളയം പിടിച്ച് സലീം ഓടിക്കഴിഞ്ഞു. ഒന്നൊഴിയാതെയെത്തുന്ന ജീവിത പ്രശ്നങ്ങള് പ്രവാസത്തില് തന്നെ പിടിച്ചു നിറുത്തുന്നു. ബാംഗ്ലൂരില് പഠിക്കുന്ന ഏക മകനെ കരക്കെത്തിപ്പിക്കണമെന്ന മോഹവും മൊട്ടിട്ട് കഴിഞ്ഞു. ഓരോന്നും വിരിയുമ്പോള് മറ്റൊന്ന് മൊട്ടിടുകയാണ്.
മഹാമാരിയുടെ കാലത്ത് പ്രവാസികളുടെ മോഹങ്ങള് വാടിത്തുടങ്ങുന്നുണ്ട്. വിമാനങ്ങള് സര്വീസ് തുടങ്ങിയാല് ഉറ്റവരിലേക്ക് ഓടിയെത്തുന്ന ഒരു കാലം കാത്തിരിക്കുകയാണ് സലീമിനൊപ്പം പ്രവാസികളും. ജീവിതത്തില് സന്തോഷത്തിന്റെ പുതിയ പേജുകള് തുന്നിച്ചേര്ക്കാന് വേണ്ടിയുള്ള പ്രത്യാശ പൂര്വമായ കാത്തിരിപ്പ്.
"
https://www.facebook.com/Malayalivartha