കോവിഡ് - 19 ന്റെ ആഘാതത്തിലാണ് ലോകം. ഗൾഫിലെ അവസ്ഥയും വ്യത്യസ്തമല്ല. എന്നാൽ ഇപ്പോൾ കോ​വി​ഡ് –19 വ്യാ​പ​ന​ത്തോ​ടൊ​പ്പം മറ്റൊരു ഭീതിയും ഗൾഫിനെ അലട്ടുകയാണ് . ക​റു​ത്ത ഉറുമ്പിന്റെ ആ​ക്ര​മ​ണ​ത്തെ​യും പ്ര​വാ​സി​ക​ൾ ക​രു​തി​യി​രി​ക്ക​ണ​മെ​ന്ന്​ മുന്നറിയിപ്പ് നൽകിയിരിക്കുകയാണ് സൗ​ദി നാ​ഷ​ന​ൽ ഗാ​ർ​ഡ് ആ​ശു​പ​ത്രി​യി​ലെ ഡോ. ​അ​ബ്​​ദു​ൽ അ​സീ​സ് . ക​റു​ത്ത ഉറുമ്പിന്റെ ക​ടി​യേ​റ്റാ​ൽ ചി​ല​രി​ൽ അ​ല​ർ​ജി പോ​ലെ​യു​ള്ള ബു​ദ്ധി​മു​ട്ടു​ക​ൾ ഉണ്ടാവാറുണ്ട്‌ .ആ​വ​ശ്യ​മാ​യ ചി​കി​ത്സ കൃ​ത്യ​സ​മ​യ​ത്ത്​ ല​ഭി​ക്കാ​തി​രി​ക്കു​ക​യും കൂടി ചെ​യ്താ​ൽ ജീ​വ​ൻ വ​രെ അ​പ​ക​ട​ത്തി​ലാ​കാ​ൻ സാ​ധ്യ​ത കൂ​ടു​ത​ലാ​ണെ​ന്നും അ​ദ്ദേ​ഹം പ​റ​ഞ്ഞു. 

ബു​ധ​നാ​ഴ്ച ക​രു​നാ​ഗ​പ്പ​ള്ളി സ്വ​ദേ​ശി എം. ​നി​സാ​മു​ദ്ദീ​ൻ ഈ ​ഉറുമ്പിന്റെ ക​ടി​യേ​റ്റ്​ മ​രി​ച്ചി​രു​ന്നു. ക​ഴി​ഞ്ഞ വ​ർ​ഷം ര​ണ്ടു മ​ല​യാ​ളി​ക​ളാണ് സൗ​ദി​യി​ൽ ഉ​റു​മ്പ്​ ക​ടി​യേ​റ്റ്​ മ​രി​ച്ച​ത് . ചി​കി​ത്സ വൈ​കി​യ​ത് കാ​ര​ണ​മാ​ണ്​ മ​ര​ണം സം​ഭ​വി​ച്ച​ത്. ഇ​പ്പോ​ൾ ഇ​ത്ത​രം ഉ​റു​മ്പു​ക​ളു​​ടെ സീ​സ​ണാ​ണ്. അതുകൊണ്ടുതന്നെ ആ​ക്ര​മ​ണ സാ​ധ്യ​ത കൂ​ടു​ത​ലാ​ണ്. ക​ടി​യേ​റ്റാ​ൽ ഉ​ട​ൻ ആ​ശു​പ​ത്രി​യി​ൽ ചി​കി​ത്സ തേ​ട​ണം. കു​റ​ച്ച് മു​ൻ​ക​രു​ത​ലു​ക​ൾ സ്വീ​ക​രി​ച്ചാ​ൽ ഇ​തു​മൂ​ല​മു​ള്ള മ​ര​ണ​ങ്ങ​ൾ ത​ട​യാം. ഉ​റു​മ്പ് ദം​ശ​ന​ത്തെ തു​ട​ർ​ന്ന് അ​നാ​ഫൈ​ലാ​ക്ടി​ക് ഷോ​ക്ക് എ​ന്ന അ​വ​സ്ഥ അ​ഥ​വാ ക​ടു​ത്ത നെ​ഞ്ചു​വേ​ദ​ന, ഓ​ക്കാ​നം, ശ്വാ​സ​ത​ട​സ്സം, വി​യ​ർ​പ്പ്, ത​ല​ചു​റ്റ​ൽ, നാ​വു​കു​ഴ​യ​ൽ, ദേ​ഹ​മാ​സ​ക​ലം നീ​ര്​ തു​ട​ങ്ങി​യ ല​ക്ഷ​ണ​ങ്ങ​ൾ പ്ര​ക​ട​മാ​യാ​ൽ ക്ഷ​ണ​നേ​രം കൊ​ണ്ട് മ​ര​ണം സം​ഭ​വി​ക്കാം. എന്നും ഡോക്ടർ മുന്നറിയിപ്പ് നൽകുന്നു.

ചി​ല​പ്പോ​ൾ അ​ത് സെ​ക്ക​ൻ​ഡു​ക​ളോ മി​നി​റ്റു​ക​ളോ സ​മ​യ​ത്തി​നു​ള്ളി​ൽ സം​ഭ​വി​ച്ചേ​ക്കാം. അ​ല​ർ​ജി, ആ​സ്​​ത്​​മ രോ​ഗ​മു​ള്ള​വ​രി​ലാ​ണ് മ​ര​ണ സാ​ധ്യ​ത​യേ​റു​ന്ന​ത്. ഇ​ത്ത​ര​ക്കാ​രി​ൽ ചി​ല​ത​രം തേ​നീ​ച്ച​ക​ളു​ടെ ദം​ശ​ന​ത്തി​ലും മാ​ര​ക​മാ​യി അ​നാ​ഫൈ​ലാ​ക്ടി​ക് ഷോ​ക്ക് കാ​ണാ​റു​ണ്ട്. എ​ന്നാ​ൽ, എ​ല്ലാ സ​മ​യ​വും ക​റു​ത്ത ഉ​റു​മ്പു ദം​ശ​നം മാ​ര​ക​മാ​യി​ക്കൊ​ള്ള​ണ​മെ​ന്നി​ല്ല. ക​ടി​യേ​റ്റ ഭാ​ഗ​ത്ത്​ ചെ​റി​യ തോ​തി​ലു​ള്ള വീ​ക്കം, ചൊ​റി​ച്ചി​ൽ, പ​ഴു​പ്പു​ണ്ടാ​ക്ക​ൽ എ​ന്നി​വ മാ​ത്ര​മാ​യും അ​നു​ഭ​വ​പ്പെ​ടാം. ‘പാ​ച്ചി​കൊ​ണ്ട​യി​ല’ അ​ഥ​വാ ‘സെ​ന്ന​അ​രി​നെ​ൻ​സി​സ്’ എ​ന്ന ശാ​സ്ത്ര​നാ​മ​ത്തി​ലാണ് ​ ഇൗ ​ക​റു​ത്ത​യി​നം ഉ​റു​മ്പു​ക​ൾ അ​റി​യ​പ്പെ​ടു​ന്നത്. ഇ​വ​യി​ൽ മാ​ര​ക വി​ഷ​മു​ണ്ട്. സൗ​ദി അ​റേ​ബ്യ​യി​ൽ മ​നു​ഷ്യ​വാ​സ​മു​ള്ള പ്ര​ദേ​ശ​ത്താ​ണ് ഇ​വ​യെ കൂ​ടു​ത​ലാ​യി കാ​ണു​ക. ജീ​ർ​ണി​ച്ച വ​സ്തു​ക്ക​ൾ, ഭ​ക്ഷ​ണ അ​വ​ശി​ഷ്​​ട​ങ്ങ​ൾ എ​ന്നി​വ​യാ​ണ്​ ഇ​വ​യു​ടെ പ്ര​ധാ​ന തീ​റ്റ. എ​ന്നാ​ൽ, പ​ല​പ്പോ​ഴും മ​നു​ഷ്യ​നെ ആ​ക്ര​മി​ക്കു​ന്ന​ത് സ്വ​യ​ര​ക്ഷാ​ർ​ഥ​മാണ്​. വീ​ടു​ക​ൾ​ക്കു​ള്ളി​ലും പു​റ​ത്തും ഇ​വ​യു​ടെ സാ​ന്നി​ധ്യം കാ​ണാ​റു​ണ്ട്. യ​ഥാ​ർ​ഥ​ത്തി​ൽ ഈ ​ഉ​റു​മ്പു​ക​ൾ ക​ടി​ക്കു​ക​യ​ല്ല, മ​റി​ച്ച്​ ഒ​രു ത​രം വി​ഷം സൂ​ചി​പോ​ലു​ള്ള അ​വ​യ​വ​ത്തി​ലൂ​ടെ കു​ത്തി​വെ​ക്കു​ക​യാ​ണ് ചെ​യ്യു​ന്ന​ത്. ഈ ​വി​ഷം ശ​രീ​ര​ത്തി​ലെ ക്ഷ​ണി​ക പ്ര​തി​രോ​ധ ഘ​ട​ക​ങ്ങ​ളെ ഉ​ദ്ദീ​പി​പ്പി​ക്കു​ക​യും അ​നാ​ഫൈ​ലാ​ക്ടി​ക് ഷോ​ക്ക് എ​ന്ന മാ​ര​ക അ​വ​സ്ഥ​യി​ലേ​ക്ക് എ​ത്തി​ക്കു​ക​യും ചെ​യ്യു​ന്നു. സ്കി​ൻ ടെ​സ്​​റ്റ്, സ്പെ​സ​ഫി​ക് ഐ.​ജി.​ഇ റെ​സ്​​റ്റു​ക​ൾ എ​ന്നി​വ​യി​ലൂ​ടെ ഉ​റു​മ്പു ദം​ശ​ന രോ​ഗ​നി​ർ​ണ​യം സാ​ധ്യ​മാ​ണ്. മാ​ര​ക​മാ​യ അ​ല​ർ​ജി​യു​മാ​യി ആ​ശു​പ​ത്രി​യി​ൽ എ​ത്തു​ന്ന​വ​ർ​ക്ക് എ​പ്പീ​നി​ഫ​റി​ന്​ പു​റ​മെ സ്​​റ്റി​റോ​യ്ഡ് മ​രു​ന്നു​ക​ൾ, ആ​ൻ​റി​ഹി​സ്​​റ്റ​മി​ൻ തു​ട​ങ്ങി​യ മ​രു​ന്നു​ക​ൾ അ​ടി​യ​ന്ത​ര​മാ​യി ന​ൽ​കി​യാ​ണ് ജീ​വ​ൻ ര​ക്ഷി​ക്കു​ന്ന​ത്. ചെ​റി​യ ത​രം അ​ല​ർ​ജി ആ​ണെ​ങ്കി​ൽ ദം​ശ​ന​മേ​റ്റ ഭാ​ഗ​ത്തെ നീ​ർ​വീ​ക്കം മാ​റാ​ൻ 20 മി​നി​റ്റു​നേ​രം ഐ​സ് െവ​ക്കു​ക, ഹൈ​ഡ്രോ​കോ​ർ​ട്ടി​സോ​ൺ ക്രീം ​പു​ര​ട്ടു​ക എ​ന്നി​വ​യാ​ണ്​ ആ​ദ്യം ചെ​യ്യേ​ണ്ട​ത്. പി​ന്നീ​ട് ആ​ൻ​റി​ഹി​സ്​​റ്റ​മി​ൻ മ​രു​ന്ന് ക​ഴി​ക്ക​ണം.

സൂ​ക്ഷി​ക്കേ​ണ്ട കാ​ര്യ​ങ്ങ​ൾ ഇവയാണ് ​
1. ക​റു​ത്ത ഉ​റു​മ്പാ​ണ്​ ക​ടി​ച്ച​തെ​ന്ന്​ ബോ​ധ്യ​മാ​യാ​ൽ ഉ​ട​ൻ വി​ദ​ഗ്​​ധ ചി​കി​ത്സ​​ക്ക്​ വി​ധേ​യ​മാ​ക്ക​ണം 2. ശ​രീ​ര​മാ​സ​ക​ലം ചൊ​റി​ച്ചി​ൽ, നീ​ർ​ക്കെ​ട്ട്, തൊ​ണ്ട​യ​ട​പ്പ്, പെട്ടന്ന് ശ്വാ​സ​ത​ട​സ്സം എ​ന്നി​വ ക​ണ്ടാ​ൽ ഉ​ട​ൻ മെ​ച്ച​പ്പെ​ട്ട ചി​കി​ത്സാ സൗ​ക​ര്യ​മു​ള്ള ആ​ശു​പ​ത്രി​യി​ൽ എ​ത്തി​ക്ക​ണം 3. മു​മ്പ്​ അ​ല​ർ​ജി രോ​ഗ​മു​ള്ള​വ​രാ​ണെ​ങ്കി​ൻ ആ​ൻ​റി​ഹി​സ്​​റ്റ​മി​ൻ ഗു​ളി​ക പോ​ലു​ള്ള പ്ര​തി​രോ​ധ മ​രു​ന്നു​ക​ൾ വീ​ട്ടി​ൽ ക​രു​ത​ണം 4. ക​ടു​ത്ത അ​ല​ർ​ജി​യു​ള്ള​വ​ർ ഡോ​ക്ട​റു​ടെ നി​ർ​ദേ​ശ പ്ര​കാ​രം എ​പ്പി​നെ​ഫ്രി​ൻ പേ​ന (എ​പ്പി​പെ​ൻ) വീ​ട്ടി​ൽ സൂ​ക്ഷി​ക്കു​ന്ന​ത് ന​ന്നാ​യി​രി​ക്കും. അ​പ​ക​ട​ക​ര​മാ​യ അ​ല​ർ​ജി ഉ​ണ്ടാ​കു​ന്ന പ​ക്ഷം ത്വ​ക്കി​ന​ടി​യി​ൽ ഈ ​മ​രു​ന്ന് സ്വ​യം കു​ത്തി​വെ​ക്കാ​നു​ള്ള പ​രി​ശീ​ല​ന​വും നേ​ടി​യി​രി​ക്ക​ണം 5. സാ​ധാ​ര​ണ​യാ​യി ചൂ​ട് കാ​ലം തു​ട​ങ്ങു​ന്ന സ​ന്ദ​ർ​ഭ​ത്തി​ലാ​ണ് ക​റു​ത്ത ഉ​റു​മ്പു​ശ​ല്യം കൂ​ടു​ത​ലാ​യി അ​നു​ഭ​വ​പ്പെ​ടു​ക. അ​തി​നാ​ൽ താ​മ​സ​സ്ഥ​ല​വും പ​രി​സ​ര​വും വൃ​ത്തി​യാ​യി സൂ​ക്ഷി​ക്ക​ണം. ഭ​ക്ഷ​ണ​ത്തിന്റെയോ മ​റ്റു ജൈ​വ മാ​ലി​ന്യ​ങ്ങ​ളു​ടെ​യോ അ​വ​ശി​ഷ്​​ട​ങ്ങ​ൾ വീ​ടി​നു​ള്ളി​ലും പ​രി​സ​ര​ത്തും ചി​ത​റി​ക്കി​ട​ക്കാ​ൻ അ​നു​വ​ദി​ക്ക​രു​ത്.