നാട്ടിലേക്ക് മടങ്ങിയെത്തുന്ന പ്രവാസികള്ക്ക് നേരെ ഉണ്ടാകുന്ന ശാരീരിക, മാനസിക പീഡനങ്ങള്ക്കെതിരെ നടപടി; ഗ്ലോബല് പ്രവാസി അസോസിയേഷന് സമര്പ്പിച്ച പരാതിക്ക് മറുപടി നല്കി വയനാട് ജില്ലാ പൊലീസ് അധികൃതര്
കൊറോണ വ്യാപനത്തിന്റെ നാളുകളിൽ ജോലിനഷ്ടപ്പെട്ടും മറ്റുള്ള ബുദ്ധിമുട്ടുകളാലും നാട്ടിലേക്ക് എത്തിയ പ്രവാസികൾക്ക് നേരിടേണ്ടി വന്നത് കടുത്ത അവഗനയാണ്. ഒരുപക്ഷെ സമൂഹമാധ്യമങ്ങളിലൂടെ എല്ലാം കണ്ടത് ആ കണ്ണുകൾ നനഞ്ഞിട്ടുണ്ട്. ഇപ്പോഴിതാ നാട്ടിലേക്ക് മടങ്ങിയെത്തുന്ന പ്രവാസികള്ക്ക് നേരെ ഉണ്ടാകുന്ന ശാരീരിക, മാനസിക പീഡനങ്ങള്ക്കെതിരെ നടപടിയാവശ്യപ്പെട്ട് ഗ്ലോബല് പ്രവാസി അസോസിയേഷന് സമര്പ്പിച്ച പരാതിക്ക് മറുപടി നല്കി വയനാട് ജില്ലാ പൊലീസ് അധികൃതര് വ്യക്തമാക്കുകയാണ്. അസോസിയേഷന് ചെയര്മാന് സലാം പാപ്പിനിശ്ശേരിയുടെ പരാതിയിലാണ് വയനാട് പൊലീസ് അഡീഷണല് സൂപ്രണ്ട് വി ഡി വിജയന് മറുപടി നല്കിയിരിക്കുന്നത്.
അതേസമയം കൊവിഡ് 19ന്റെ പശ്ചാത്തലത്തില് ജോലി നഷ്ടപ്പെട്ടും വിസാ കാലാവധി കഴിഞ്ഞും കുടുങ്ങിപ്പോയ പ്രവാസികള് നാട്ടിലെത്തുമ്പോള് കടുത്ത ശാരീരിക, മാനസിക പീഡനങ്ങള് നേരിടേണ്ടി വരുന്നെന്നായിരുന്നു സലാം പാപ്പിനിശ്ശേരി സമര്പ്പിച്ച പരാതിയില് വെളിപ്പെടുത്തിയത്. എന്നാല് വയനാട് സ്പെഷ്യല് ബ്രാഞ്ച് ഡെപ്യൂട്ടി പൊലീസ് അന്വേഷണം നടത്തി സമര്പ്പിച്ച റിപ്പോര്ട്ട് പ്രകാരം പരാതിയില് പരാമര്ശിച്ചിരിക്കുന്ന തരത്തിലുള്ള പ്രയാസങ്ങളൊന്നും വയനാട് ജില്ലയിലുള്ള പ്രവാസികള് അനുഭവിക്കുന്നില്ലെന്ന് ബോധ്യപ്പെട്ടിട്ടുണ്ടെന്ന് ജില്ലാ പൊലീസ് അഡീഷണല് സൂപ്രണ്ട് മറുപടി നല്ക്കുകയായിരുന്നു.
https://www.facebook.com/Malayalivartha