മരണത്തിലും പിരിയാത്ത കളിക്കൂട്ടുകാര്.... ദമ്മാമിലുണ്ടായ വാഹനാപകടത്തില് മരിച്ച മൂന്ന് മലയാളി യുവാക്കളുടേയും മൃതദേഹങ്ങള് ദമ്മാമില് ഖബറടക്കി
ദമ്മാമില് വ്യാഴാഴ്ച പുലര്ച്ചെയുണ്ടായ വാഹനാപകടത്തില് മരിച്ച മൂന്ന് മലയാളി യുവാക്കളുടേയും മൃതദേഹങ്ങള് ദമ്മാമില് ഖബറടക്കി. മലപ്പുറം താനൂര് കുന്നുംപുറം തൈക്കാട് വീട്ടില് മുഹമ്മദ് ഷഫീഖ് (22), വയനാട് കുഞ്ഞോം സ്വദേശി അന്സിഫ് (22), കോഴിക്കോട് മാങ്കാവ് സ്വദേശി അത്തക്കര സനദ് (22) എന്നിവരാണ് അപകടത്തില് മരിച്ചത്. സ്കൂള് പഠനകാലം മുതല് കൂട്ട് കൂടിയ മൂവര് സംഘമാണ് ഒടുക്കം മരണത്തിലും ഒരുമിച്ച് യാത്രയായത്.
സംസ്കാര ചടങ്ങുകള്ക്ക് പ്രവിശ്യയുടെ വിവിധ ഭാഗങ്ങളില് നിന്നുള്ള നൂറുകണക്കിന് മലയാളികള് പങ്കെടുത്തു. വ്യാഴാഴ്ച രാത്രിയോടെ ഖബറടക്കുന്നതിനുള്ള നിയമനടപടിക്രമങ്ങള് പൂര്ത്തിയായിരുന്നു. വെള്ളിയാഴ്ച ഉച്ചക്ക് 1.30ന് ദമ്മാം മെഡിക്കല് കോംപ്ലക്സ് മോര്ച്ചറിയില് നിന്ന് മൃതദേഹങ്ങള് ദമ്മാം മഖ്ബറയിലേക്ക് കൊണ്ടുപോയി. ഉച്ചകഴിഞ്ഞ് രണ്ടോടെ ബബറടക്കം നടന്നു. സ്കൂള് പഠന കാലം മുതല് ദമ്മാമില് വെച്ച് ഒരുമിച്ച് കളിച്ച് വളര്ന്നവരായിരുന്നു മൂവരും. പഠന ശേഷവും സൗഹൃദ് ബന്ധം നിലനിര്ത്തി പോന്നിരുന്ന ഇവര് അവസാനം ദേശീയ ദിന ആഘോഷങ്ങളില് പങ്കെടുത്ത് മടങ്ങുന്നതിനിടെയാണ് അപകടത്തില് പെട്ടത്. ദമ്മാം ദഹ്റാന് മാളിന് സമീപത്താണ് അപകടം സംഭവിച്ചത്.
ഇവര് ഓടിച്ചിരുന്ന കാര് സര്വീസ് റോഡില് നിന്ന് പ്രധാന റോഡിലേക്ക് ഇറങ്ങുമ്ബോള് നിയന്ത്രണം വിട്ട് ഡിവൈഡറില് ഇടിച്ചാണ് അപകടമുണ്ടായതെന്നാണ് പൊലീസ് റിപ്പോര്ട്ട്. മുന്നുപേരും സംഭവ സ്ഥലത്ത് തന്നെ മരിക്കുകയായിരുന്നു.മരണത്തിലും പിരിയാത്ത കളിക്കൂട്ടുകാര്ക്ക് അടുത്തടുത്തായാണ് ഖബറുകള് ഒരുക്കിയത്.സാമൂഹ്യ പ്രവര്ത്തകരുടെ അശ്രാന്ത പരിശ്രമങ്ങള്ക്കൊടുവിലാണ് ഒറ്റ ദിവസം കൊണ്ട് നടപടികള് പൂര്ത്തിയാക്കി മൃതദേഹങ്ങള് മറവ് ചെയ്യാന് സാധിച്ചത്.
https://www.facebook.com/Malayalivartha