ആയുർവേദ ആചാര്യൻ പി കെ വാര്യർ അന്തരിച്ചു. കേരളത്തിന്റെ ആയുർവേദ സംസ്​കൃതിയുടെ അടയാളം ലോകനെറുകയിൽ രേഖപ്പെടുത്തിവെക്കാൻ കാലം നിയോഗിച്ചതായിരുന്നു പന്ന്യംപിള്ളി കൃഷ്​ണൻകുട്ടി വാര്യർ എന്ന പി.കെ​. വാര്യർ.

മലപ്പുറം കോട്ടയ്ക്കല്‍ ആര്യവൈദ്യശാല മാനേജിങ് ട്രസ്റ്റി ഡോ. പി.കെ. വാര്യര്‍ (100) അന്തരിച്ചു. ആയുർവേദത്തി​െൻറ കർമവഴികളിൽ കാഴ്​ചവെച്ച സമർപ്പണവും ദീർഘവീക്ഷണവും ആ ലക്ഷ്യത്തിലേക്ക്​ അദ്ദേഹത്തെ കൊണ്ടു ചെന്നെത്തിക്കുകയും ചെയ്​തു. കഴിഞ്ഞ ജൂണിലായിന്നു നൂറാം പിറന്നാൾ ആഘോഷിച്ചത്.

ആയുർവേദ ചികിത്സക്കും ഗവേഷണത്തിനുമുള്ള രാജ്യത്തെതന്നെ ആദ്യ കേന്ദ്രമാക്കി കോട്ടക്കൽ ആര്യവൈദ്യ​ശാലയെ മാറ്റിയെടുത്ത ഡോ. പി.കെ. വാര്യർ പാരമ്പര്യ വിധികളിൽനിന്ന്​ വ്യതിചലിക്കാതെതന്നെ ശാസ്​ത്ര സാ​േങ്കതിക വിദ്യകളെക്കൂടി കൂട്ടുപിടിച്ച്​ ആയുർവേദ കേരളത്തിന്റെ 'തലസ്ഥാന'മാക്കി കോട്ടക്കലിനെ മാറ്റി.

ആയുർവേദ രംഗത്തെ കോർപറേറ്റ്​ മത്സരങ്ങൾക്കിടയിലും പരസ്യവാചകങ്ങളൊന്നുമില്ലാതെതന്നെ ഒരു ട്രസ്​റ്റ് ആയി ഇന്നും നിലനിൽക്കുന്നു കോട്ടക്കൽ ആര്യവൈദ്യശാല.​ പി.കെ. വാര്യരുടെ കീഴിൽ വൈദ്യശാലയായി മാത്രമല്ല, ഒരു സാംസ്​കാരിക കേന്ദ്രംകൂടിയായി അത്​ അറിയപ്പെട്ടു. നൽകിയ സംഭാവനകൾക്കുള്ള അംഗീകാരമായി രാജ്യം പത്മശ്രീ, പത്മഭൂഷൺ ബഹുമതികൾ നൽകി അദ്ദേഹത്തെ ആദരിക്കുകയും ചെയ്​തു.

മൃതദേഹം സ്വവസിതിയായ കൈലാസ മന്ദിരത്തിലേക്ക് കൊണ്ട് പോകും. വൈകിട്ട് നാലുമണിയോടുകൂടി സംസ്കാരം.