വര്‍ഷങ്ങളായി വിദേശരാജ്യങ്ങളില്‍ ജോലിചെയ്യുന്ന മലയാളികള്‍ക്കു നാട്ടില്‍ മെച്ചപ്പെട്ട വേതനം ലഭിക്കുന്ന തൊഴിലവസരങ്ങള്‍ സ്മാര്‍ട് സിറ്റി യാഥാര്‍ഥ്യമാവുന്നതോടെ സാധ്യമാകുമെന്ന് മന്ത്രി പി.കെ. കുഞ്ഞാലിക്കുട്ടി. 

അബുദാബി ഇന്ത്യന്‍ ഇസ്‌ലാമിക് സെന്ററില്‍ കെഎംസിസി സംസ്ഥാന കമ്മിറ്റി സംഘടിപ്പിച്ച കേരള യാത്രാ പ്രചാരണ കണ്‍വന്‍ഷനില്‍ പങ്കെടുക്കുകയായിരുന്നു അദ്ദേഹം. കേരളത്തില്‍ ഐടി വന്‍മുന്നേറ്റം സൃഷ്ടിച്ചു. സാമ്പത്തിക രംഗത്ത് ആഗോളതലത്തില്‍ ഉയര്‍ച്ചയും താഴ്ചയുമെല്ലാം ഉണ്ടാകും. എന്നാല്‍ ഐടി രംഗം എന്നും മുന്നോട്ടു കുതിക്കുകയാണ്. ഇടതുപക്ഷത്തിന്റെ മൗലികവാദവും പിന്തിരിപ്പന്‍ നയങ്ങളും കേരളത്തിന്റെ പുരോഗതിക്ക് കാര്യമായ കോട്ടം വരുത്തി. വിവിധ വികസനങ്ങള്‍ യുഡിഎഫ് സര്‍ക്കാര്‍ കൊണ്ടുവരാന്‍ ശ്രമിക്കുമ്പോഴെല്ലാം അതിനെ എതിര്‍ത്തവര്‍ കേരളത്തിന് പതിറ്റാണ്ടുകളുടെ വികസനം നഷ്ടപ്പെടുത്തി.

കേരളത്തിന്റെയും പിന്നാക്കക്കാരുടെയും വികസനത്തില്‍ ദീര്‍ഘവീക്ഷണം പുലര്‍ത്തിയിരുന്ന സി.എച്ച്. മുഹമ്മദ്‌കോയ വിദ്യാര്‍ഥികളോട് പഠിക്കുക വീണ്ടും പഠിക്കുക എന്ന് പറഞ്ഞപ്പോള്‍ സമരം ചെയ്യുക വീണ്ടും സമരം ചെയ്യുക എന്ന പാഠമാണ് സിപിഎം പഠിപ്പിച്ചതെന്ന് കുഞ്ഞാലിക്കുട്ടി പരിഹസിച്ചു. പ്രസിഡന്റ് നസീര്‍ മാട്ടൂല്‍ അധ്യക്ഷത വഹിച്ചു.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha