കണ്ണീര്‍ക്കാഴ്ചയായി.... സൗദി അറേബ്യയിലെ ബുറൈദയിലുണ്ടായ വാഹനാപകടത്തില്‍ വേങ്ങര സ്വദേശിയായ യുവാവിന് ദാരുണാന്ത്യം. വേങ്ങര വലിയോറ ഇല്ലിപ്പിലാക്കല്‍ കല്ലന്‍ ഹുസൈന്‍ കുട്ടിയുടെ മകന്‍ ഉനൈസ് (29) ആണ് മരിച്ചത്. ബുധനാഴ്ച പുലര്‍ച്ചെ ഇന്ത്യന്‍ സമയം അഞ്ചോടെയായിരുന്നു അപകടം നടന്നത്.

ജോലി കഴിഞ്ഞു താമസ സ്ഥലത്തേക്ക് പോകാനായി റോഡ് മുറിച്ചു കടക്കവെ വാഹനമിടിച്ചാണ് മരണം സംഭവിച്ചത്. മൃതദേഹം നാട്ടില്‍ കൊണ്ടുവന്ന് കബറടക്കും. ഉമ്മ: ഖദീജ. ഭാര്യ: കൊല്ലം തൊടിക ജസീല. മക്കള്‍: രണ്ടു മക്കളുണ്ട്.