സന്ദര്‍ശക വിസയില്‍ സൗദിയിലെത്തുന്ന വിദേശികള്‍ കാലാവധിക്കുശേഷവും രാജ്യത്തു തങ്ങിയാല്‍ 50,000ത്തോളം സൗദി റിയാല്‍ പിഴയും ആറ് മാസം ജയില്‍ശിക്ഷയും ഏര്‍പ്പെടുത്തുമെന്ന് ജനറല്‍ ഡയരക്ടറേറ്റ് ഓഫ് പാസ്‌പോര്‍ട്‌സിന്റെ മുന്നറിയിപ്പ്. കാലാവധിക്കുശേഷം തുടരുന്ന ജോലിക്കാരെ നാടുകടത്തുകയും ചെയ്യും.

അധികാലം താമസിക്കുന്നവര്‍ക്ക് ആദ്യ തവണ ശിക്ഷ 15,000 സൗദി റിയാല്‍ ആയിരിക്കും. രണ്ടാം തവണ 25,000 സൗദി റിയാല്‍ പിഴ കൂട്ടുന്നതിനു പുറമെ മൂന്ന് മാസം ജയില്‍ ശിക്ഷയേര്‍പ്പെടുത്തും.
മൂന്നാം തവണ ഇത് 50,000 സൗദി റിയാല്‍ പിഴയും 6 മാസം ജയില്‍ ശിക്ഷയും ആയിരിക്കും. കൂടാതെ നാടുകടത്തല്‍ ശിക്ഷയുമുണ്ടാകുമെന്ന് ഡയരക്ടറേറ്റ് മുന്നറിപ്പ് നല്‍കുന്നു.

ഇതുസംബന്ധിച്ച വിവരങ്ങള്‍ക്ക് gdp.gov.sa@992 എന്ന വെബ്‌സൈറ്റില്‍ ബന്ധപ്പെടാന്‍ ഡയരക്ടറേറ്റ് നിര്‍ദേശിക്കുന്നു. വിസിറ്റിങ്ങ് വിസയിലെത്തുന്ന ഏവരും നിയമങ്ങളും ചട്ടങ്ങളും അനുസരിക്കാനും ഡയരക്ടറേറ്റ് പറയുന്നു.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha