മസ്കറ്റിലെ സാമൂഹ്യ പ്രവര്ത്തകയും ഇന്ത്യന് സോഷ്യല് ക്ലബ് കേരള വിഭാഗത്തിന്റെ രൂപീകരണകാലം മുതലുള്ള സജീവ പ്രവര്ത്തകയുമായ മോളി ഷാജി അന്തരിച്ചു
മസ്കറ്റിലെ സാമൂഹ്യ പ്രവര്ത്തകയും ഇന്ത്യന് സോഷ്യല് ക്ലബ് കേരള വിഭാഗത്തിന്റെ രൂപീകരണകാലം മുതലുള്ള സജീവ പ്രവര്ത്തകയുമായ മോളി ഷാജി അന്തരിച്ചു. കൊല്ലം അഞ്ചാലുംമൂട് സ്വദേശിനിയാണ് അന്തരിച്ച മോളി ഷാജി.
ഭര്ത്താവ് ഷാജി സെബാസ്റ്റ്യാനൊപ്പം പ്രവാസികളുടെ വിവിധ വിഷയങ്ങളില് പതിറ്റാണ്ടുകളായി സജീവമായി ഇടപെട്ടു വന്നിട്ടുണ്ടായിരുന്നു. ഒമാനിലെ ഇന്ത്യന് സാമൂഹ്യ സേവന രംഗത്തും, സാംസ്കാരിക മേഖലയിലും വിദ്യാഭ്യാസ രംഗത്തെ പ്രവര്ത്തനങ്ങളിലും മോളി ഷാജിയുടെ സേവനം സജീവമായിരുന്നു.
സാധുവായ രേഖകളില്ലാത്ത പ്രവാസികള്ക്ക് ഒമാന് ഗവണ്മന്റ് പ്രഖ്യാപിച്ച പൊതുമാപ്പിന്റെ അവസരങ്ങളില് ഇന്ത്യന് എംബസി കേന്ദ്രീകരിച്ചു കൊണ്ട് നടത്തിയ വളണ്ടിയര് പ്രവര്ത്തനങ്ങളില് മോളി ഷാജി വഹിച്ച നേതൃത്വപരമായ പങ്ക് ശ്രദ്ധേയമായിരുന്നു. കഴിഞ്ഞ കുറച്ചു വര്ഷങ്ങളായി അസുഖബാധിതയായി നാട്ടില് ചികിത്സയിലായിരുന്നു.
ഒമാനിലെ പ്രമുഖ സാമൂഹ്യ പ്രവര്ത്തകനും മുന് ലോക കേരള സഭാംഗവുമായ ഷാജി സെബാസ്റ്റിന്റെ ഭാര്യയാണ്. ജൂലി, ഷീജ എന്നിവര് മക്കളാണ്. സംസ്കാരം പിന്നീട് .
https://www.facebook.com/Malayalivartha
