പോക്കറ്റ് ചോരാതെ നാട്ടിലേക്ക് വിളിക്കാം; സൗദിയില് വാട്സ് ആപ്പ് വോയ്സ് കോള് സേവനത്തിന് അനുമതി ലഭിച്ചു
ഇനി പ്രവാസികള്ക്ക് പണമില്ലാതെ നാട്ടിലേക്ക് വിളിക്കാം. പ്രവാസി മലയാളികളായിരുന്നു വാട്സ് ആപ്പ് അടക്കമുള്ള സംവിധാനങ്ങള് കോള് സംവിധാനവുമായി എത്തിയതോടെ ഏറ്റവും അധികം സന്തോഷിച്ചത്. ഒരു വര്ഷത്തെ വിലക്കിനൊടുവില് സൗദിയില് വാട്സ് ആപ്പ് വോയ്സ് കോള് സേവനത്തിന് സൗദി മലയാളികള്ക്ക് അനുമതി ലഭിച്ചു. നാട്ടിലേക്ക് ധൈര്യമായി വിളിക്കാമല്ലോ എന്നതായിരുന്നു ഈ ആശ്വാസത്തിന് കാരണം. എന്തായാലും പ്രിയപ്പെട്ടവരോട് സൗദി മലയാളികള്ക്ക് ഇനി അധികം പണം മുടക്കേണ്ട അവസ്ഥയുണ്ടാകില്ല. കഴിഞ്ഞ ദിവസം മുതല് സൗദിയില് വാട്സ് ആപ് വോയ്സ് കോള് സേവനം ലഭ്യമായെന്നാണ് അറബ് ന്യൂസ് റിപ്പോര്ട്ട് ചെയ്യുന്നത്. വിലക്ക് നീക്കിയത് കമ്മ്യൂണിക്കേഷന് ആന്ഡ് ഇന്ഫര്മേഷന് ടെക്നോളജി കമ്മീഷന് ഔദ്യോഗികമായി അറിയിച്ചിട്ടില്ല. പരീക്ഷണാടിസ്ഥാനത്തിലാണോ സേവനത്തിന് അനുമതി നല്കിയതെന്നും വ്യക്തമല്ല. കഴിഞ്ഞ വര്ഷം മാര്ച്ച് 15 മുതലാണ് വാട്സ് ആപ് വോയ്സ് കോള് സേവനം രാജ്യത്ത് വിലക്കിയത്. യു.എ.ഇയിലെ ടെലികോം കമ്പനികളാണ് ആദ്യമായി സേവനത്തിന് വിലക്കേര്പ്പെടുത്തിയത്.
പ്രവാസികള് ഒന്നടങ്കം സൗദി ഭരണകൂടത്തിന്റെ നീക്കത്തെ സ്വാഗതം ചെയ്യുന്നുണ്ട്. പലരുടെയും സന്തോഷം പോക്കറ്റ് ചോരാതെ ഇനി വീട്ടുകാരെ വിളിക്കാമല്ലോ എന്നതു തന്നെയാണ്. സ്കൈപ്പ്, ഇമോ തുടങ്ങിയ സൗജന്യ ഇന്റര്നെറ്റ് ഫോണ് കോള് സേവനങ്ങളും സൗദിയില് നിലവിലുണ്ട്. ഇത് നിരോധിക്കണെന്ന ടെലിക്കോം കമ്പനികളുടെ ആവശ്യം കമ്മ്യൂണിക്കേഷന് ആന്ഡ് ഇന്ഫര്മേഷന് ടെക്നോളജി കമ്മീഷന് തള്ളിയിരുന്നു.
വാട്സ് ആപ് സൗജന്യ വോയ്സ് കോള് സേവനം ടെലികോം കമ്പനികള്ക്ക് തിരിച്ചടിയാകുമെന്നാണ് വിലയിരുത്തപ്പെടുന്നത്. ദേശീയ ടെലികോം കമ്പനിയായ സൗദി ടെലികോം കമ്പനി മാത്രമാണ് സൗദിയില് മികച്ച ലാഭത്തോടെ പ്രവര്ത്തിക്കുന്നത്. മറ്റു ടെലികോം കമ്പനികള് പ്രതിസന്ധിയിലാണെന്നാണ് റിപ്പോര്ട്ടുകള്. സൗജന്യ വോയ്സ്, വീഡിയോ കോളുകള്ക്കുള്ള മൊബൈല് ആപ്ലിക്കേഷനുകള് സൗദി അറേബ്യയില് നിരോധിക്കില്ലെന്ന് അടുത്തിടെ സൗദി കമ്മ്യൂണിക്കേഷന് ആന്ഡ് ഇന്ഫര്മേഷന് ടെക്നോളജി കമ്മീഷന് അറിയിച്ചിരുന്നു. ഇതിന്റെ തുടര്ച്ചയായാണ് ഇപ്പോള് പ്രവാസികള്ക്ക് സന്തോഷം പകരുന്ന വാര്ത്തയും പുറത്തുവന്നത്.
വാട്സ് ആപ്പ് വോയ്സ് കോള് സംവിധാനം ലഭ്യമായി തുടങ്ങിയതോടെ പ്രവാസികള് അടക്കം ഏറെ സന്തോഷത്തിലാണ് പലരും ഇതിനോടകം തന്നെ ഈ സേവനം ഉപയോഗിച്ച് വീട്ടുകാരെയും സുഹൃത്തുക്കളെയും വിളിച്ചു. വാട്സ് ആപ്പിനോട് മത്സരിക്കാന് വേണ്ടി ടെലിക്കോം കമ്പനികള് അന്താരാഷ്ട്ര കോള് നിരക്കില് അടക്കം ഇളവു നല്കുകയാണ് വേണ്ടതെന്നാണ് ചിലരുടെ പ്രതികരണം. ഇതുവരെ വാട്സ് ആപ്പ് വഴി മെസേജിങ് സൗകര്യം മാത്രമേ സൗദിയില് ഉണ്ടായിരുന്നുള്ളൂ. അതുകൊണ്ട് തന്നെ വാട്സ് ആപ്പ് വഴി ഫോണ് വിളിക്കുന്നതിന്റെ ആവേശത്തിലാണ് പലരും.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha