രാജ്യത്ത് വീശിയടിക്കുന്ന ശക്തമായ പൊടിക്കാറ്റിന്റെ പശ്ചാത്തലത്തില്‍ ജനങ്ങള്‍ ആവശ്യമായ മുന്‍ കരുതലുകളെടുക്കണമെന്ന് മക്ക പ്രവിശ്യ ദുരന്ത നിവാരണ സമിതി മുന്നറിയിപ്പ് നല്‍കി. അലര്‍ജി , ശ്വാസ തടസ്സം എന്നിവ നേരിടുന്നവര്‍ വീട്ടില്‍ നിന്നും പുറത്തിറങ്ങരുതെന്നും അധികൃതര്‍ അറിയിച്ചു. ജിദ്ദ, ജിദ്ദമക്ക ഹൈവേ, അല്‍ ലൈത്ത്, റാബിഗ്, ഖുലൈസ് എന്നീ പ്രദേശങ്ങള്‍ രാവിലെ മുതല്‍ ശക്തമായ പൊടിക്കാറ്റിനാല്‍ ജനജീവിതം ദുസഹമായിരുന്നു.മണിക്കൂറില്‍ 60 കിലോമീറ്ററാണു കാറ്റിന്റെ വേഗതയെന്നും കാഴ്ച പരിധി 2 കിലോമീറ്ററില്‍ താഴെയായിരിക്കുമെന്നും കേന്ദ്ര കാലാവസ്ഥാ നിരീക്ഷണ കേന്ദ്രം അറിയിച്ചു. മക്ക,മദീന, തബൂക്ക്, അല്‍ ജൗഫ്, ഹായില്‍ ,ഖസീം, റിയാദ് ,നോര്‍ത്തേണ്‍ ബോര്‍ഡര്‍, കിഴക്കന്‍ പ്രവിശ്യയുടെ വടക്ക് ഭാഗങ്ങള്‍ എന്നിവിടങ്ങളില്‍ വന്‍ കാലാവസ്ഥാ വ്യതിയാനങ്ങള്‍ സംഭവിക്കുമെന്നും അധികൃതര്‍ മുന്നറിയിപ്പ് നല്‍കി.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha