പ്രവാസികള്‍ക്ക് ആശ്വാസമേകുന്ന നിരവധി പദ്ധതികള്‍ നിലവിലുണ്ട്. അതിലൊന്നാണ് സാന്ത്വന പദ്ധതി.കേരളത്തിൽ 'സാന്ത്വന പദ്ധതി' എന്ന പേരിൽ പ്രധാനമായും രണ്ട് പദ്ധതികളാണുള്ളത്: നോർക്ക റൂട്ട്‌സ് നടപ്പിലാക്കുന്ന നോർക്ക റൂട്ട്സ് പ്രവാസി സാന്ത്വന ധനസഹായ പദ്ധതിയും, കുടുംബശ്രീയുടെ സാന്ത്വനം ഹോം കെയർ പദ്ധതിയും  . ഇതിൽ  'സാന്ത്വന പദ്ധതി' യാണ് പ്രവാസികൾക്ക് ഉള്ളത്

 വിദേശത്ത് നിന്ന് മടങ്ങിയെത്തുന്ന മലയാളി പ്രവാസികള്‍ക്ക് സമയബന്ധിതമായി സാമ്പത്തിക സഹായം നല്‍കുന്ന ദുരിതാശ്വാസ പദ്ധതിയാണിത്. പ്രവാസികള്‍ക്കും അവരുടെ ആശ്രിതര്‍ക്കും ഒരുതവണ സാമ്പത്തിക സഹായം ഇതിലൂടെ ലഭിക്കും. ചികിത്സ, മരണം, വിവാഹം, സ്വദേശത്തേക്ക് മടങ്ങുന്ന ഭിന്നശേഷിയുള്ളവർക്ക് അവർക്ക് ആവശ്യമായ ഉപകരണങ്ങള്‍ വാങ്ങല്‍ എന്നിവയ്ക്കാണ് സാന്ത്വനം പദ്ധതിയിലൂടെ സഹായം ലഭിക്കുക. കോവിഡ് കാലത്തിനുശേഷം ഈ പദ്ധതിയുടെ കുടുംബ വാർഷിക വരുമാന പരിധി ഒരു ലക്ഷം രൂപയിൽ നിന്നും 1.5 ലക്ഷം രൂപയായി വർദ്ധിപ്പിച്ചിട്ടുണ്ട്

ഇതിലൂടെ മരിച്ച പ്രവാസികളുടെ ആശ്രിതര്‍ക്ക് ഒരു ലക്ഷം രൂപ വരെയും വൈദ്യ സഹായത്തിനായി 50,000 രൂപ വരെയും സാമ്പത്തികമായി പിന്നാക്കം നില്‍ക്കുന്ന പ്രവാസികളുടെ പെണ്‍മക്കളുടെ വിവാഹത്തിനായി 15000 രൂപ വരെയും ധനസഹായം ലഭിക്കും.  

ചികിത്സാ ധനസഹായം: ക്യാൻസർ, ഹൃദ്‌രോഗ ശസ്ത്രക്രിയ, വൃക്കരോഗം തുടങ്ങിയ ഗുരുതര രോഗങ്ങൾക്ക് പരമാവധി 50,000 രൂപ വരെയും, മറ്റ് രോഗങ്ങളുടെ ചികിത്സയ്ക്ക് 20,000 രൂപ വരെയും.  പ്രവാസികളുടെ പെൺമക്കളുടെ വിവാഹത്തിന് പരമാവധി 15,000 രൂപ.ഭിന്നശേഷി ഉപകരണങ്ങൾ: കൃത്രിമ കൈകാലുകൾ, വീൽചെയർ, ഊന്നുവടികൾ എന്നിവ വാങ്ങാൻ പരമാവധി 10,000 രൂപ.

കുറഞ്ഞത് രണ്ട് വര്‍ഷമെങ്കിലും വിദേശത്ത് ജോലി ചെയ്ത് തിരിച്ചെത്തിയ വ്യക്തികള്‍ക്കാണ് പദ്ധതിയില്‍ അപേക്ഷിക്കാന്‍ സാധിക്കുക. അപേക്ഷിക്കുന്ന സമയത്തും സാമ്പത്തിക സഹായം സ്വീകരിക്കുന്ന സമയത്തും പ്രവാസി വിദേശത്ത് ആയിരിക്കരുത്.  നാട്ടിൽ തിരിച്ചെത്തിയ ശേഷമുള്ള കാലയളവ് വിദേശത്ത് ജോലി ചെയ്ത അത്രയും വർഷമോ അല്ലെങ്കിൽ പരമാവധി 10 വർഷമോ (ഏതാണോ കുറവ്) അതിൽ കൂടാൻ പാടില്ല.അപേക്ഷ സമർപ്പിക്കുമ്പോഴും സഹായം കൈപ്പറ്റുമ്പോഴും അപേക്ഷകന് മറ്റ് ജോലി ഉണ്ടായിരിക്കരുത്.

 
ഈ പദ്ധതിയിലൂടെ ഒരു തവണ വൈദ്യസഹായം ലഭിച്ച പ്രവാസി പിന്നീട് മരിച്ചാല്‍ ആശ്രിതര്‍ക്ക് ധനസഹായം ലഭിക്കില്ല. മരിച്ച പ്രവാസി അവിവാഹിതനാണെങ്കില്‍ അപേക്ഷിക്കുന്നയാള്‍ പിന്തുടര്‍ച്ചാവകാശ സര്‍ട്ടിഫിക്കറ്റ് ഹാജരാക്കണം. മെഡിക്കല്‍ ആവശ്യത്തിനാണ് അപേക്ഷ സമര്‍പ്പിക്കുന്നതെങ്കില്‍ അന്വേഷണ സമയത്ത് ഒറിജിനല്‍ മെഡിക്കല്‍ സര്‍ട്ടിഫിക്കറ്റ് ആവശ്യമാണ്.

വൈദ്യസഹായത്തിനാണ് അപേക്ഷ സമര്‍പ്പിക്കുന്നതെങ്കില്‍ പാസ്പോര്‍ട്ട്, റേഷന്‍ കാര്‍ഡ്, വരുമാന സര്‍ട്ടിഫിക്കറ്റ്, ഡോക്ടർ ഒപ്പിട്ട മെഡിക്കൽ സർട്ടിഫിക്കറ്റ്, ചികിത്സാ ചെലവുകളുടെ ഒറിജിനൽ ബില്ലുകൾ., അപേക്ഷകന്റെ ആധാറിന്റെ പകര്‍പ്പ്, ബന്ധുത്വ സര്‍ട്ടിഫിക്കറ്റ് (സാമ്പത്തിക സഹായം പ്രവാസിയുടെ ആശ്രിതര്‍ക്കാണെങ്കില്‍), ബാങ്ക് പാസ്ബുക്കിന്റെ പകര്‍പ്പ് എന്നിവ ഹാജരാക്കണം.
 
മരണ സഹായത്തിനാണെങ്കില്‍ പാസ്പോര്‍ട്ട്, റേഷന്‍ കാര്‍ഡ്, വരുമാന സര്‍ട്ടിഫിക്കറ്റ്, മരണ സർട്ടിഫിക്കറ്റ്, വില്ലേജ് ഓഫീസറിൽ നിന്നുള്ള ലീഗൽ ഹെയർ (അവകാശ) സർട്ടിഫിക്കറ്റ്,  . അപേക്ഷകന്റെ തിരിച്ചറിയല്‍ കാര്‍ഡിന്റെയോ ആധാറിന്റെയോ പകര്‍പ്പ്,  പുനര്‍വിവാഹമില്ലാത്ത സര്‍ട്ടിഫിക്കറ്റ് ( അന്വേഷണ സമയത്ത് ആവശ്യമെങ്കില്‍), ബാങ്ക് പാസ്ബുക്കിന്റെ പകര്‍പ്പ് എന്നിവ ഹാജരാക്കണം.

വിവാഹ ധനസഹായത്തിനാണെങ്കില്‍ പാസ്പോര്‍ട്ട്, റേഷന്‍ കാര്‍ഡ്, വരുമാന സര്‍ട്ടിഫിക്കറ്റ്, വിവാഹ സര്‍ട്ടിഫിക്കറ്റ്, പ്രവാസിയുമായുള്ള ബന്ധം തെളിയിക്കുന്ന സര്‍ട്ടിഫിക്കറ്റ് (വില്ലേജ് ഓഫീസില്‍ നിന്ന് ലഭിച്ച ബന്ധുത്വ സര്‍ട്ടിഫിക്കറ്റ്), അപേക്ഷകന്റെ ആധാറിന്റെ പകര്‍പ്പ്, ബാങ്ക് പാസ്ബുക്കിന്റെ പകര്‍പ്പ് എന്നിവയും ഉപകരണത്തിനാണെങ്കില്‍ പാസ്പോര്‍ട്ട്, റേഷന്‍ കാര്‍ഡ്, വരുമാന സര്‍ട്ടിഫിക്കറ്റ്, വൈകല്യം തെളിയിക്കുന്ന മെഡിക്കല്‍ ബോര്‍ഡിന്റെ സര്‍ട്ടിഫിക്കറ്റ്, അപേക്ഷകന്റെ ആധാറിന്റെ പകര്‍പ്പ്, ബാങ്ക് പാസ്ബുക്കിന്റെ പകര്‍പ്പ് എന്നിവയും ഹാജരാക്കണം. കൂടാതെ, അപേക്ഷാ പ്രക്രിയയ്ക്കിടെ അന്വേഷണ ഉദ്യോഗസ്ഥനോ അപേക്ഷകള്‍ കൈകാര്യം ചെയ്യുന്ന സ്ഥാപനമോ ആവശ്യപ്പെട്ടേക്കാവുന്ന ഏതെങ്കിലും അധിക രേഖകളും ഹാജരാക്കണം. .

താല്പര്യമുള്ളവർക്ക് ഔദ്യോഗിക നോർക്ക റൂട്ട്സ് വെബ്സൈറ്റായ www.norkaroots.org ഓൺലൈനായി നേരിട്ട് അപേക്ഷ സമർപ്പിക്കാം. ഓൺലൈൻ അപേക്ഷകൾക്ക് ശേഷം നോർക്ക ഉദ്യോഗസ്ഥർ നേരിട്ട് അന്വേഷണം നടത്തി ബോധ്യപ്പെട്ട ശേഷമായിരിക്കും തുക അനുവദിക്കുക. സംശയങ്ങൾക്ക് നോർക്കയുടെ ഗ്ലോബൽ കോൺടാക്ട് സെന്ററിലെ 1800 425 3939 (ഇന്ത്യയിൽ നിന്ന്), +91 8802 012345 (വിദേശത്തുനിന്ന്) എന്നീ നമ്പറുകളിൽ ബന്ധപ്പെടാവുന്നതാണ്.
. വിജയകരമായ അപേക്ഷകള്‍ സര്‍ക്കാരിന് ശുപാര്‍ശ ചെയ്യുകയും സര്‍ക്കാര്‍ സാമ്പത്തിക സഹായം നല്‍കുന്നതുമാണ് പദ്ധതിയുടെ രീതി.

അപേക്ഷിക്കുന്നത്തിന് https://www.santhwana.norkaroots.kerala.gov.in/എന്ന ലിങ്കിൽ   പ്രവേശിച്ച ശേഷം ആദ്യമായി ഉപയോഗിക്കുന്നവർ 'Register' ബട്ടൺ ക്ലിക്ക് ചെയ്ത് അക്കൗണ്ട് നിർമ്മിക്കുക : രജിസ്റ്റർ ചെയ്ത യൂസർ ഐഡിയും പാസ്‌വേഡും ഉപയോഗിച്ച് 'Login' ചെയ്യുക. : സാന്ത്വന പദ്ധതിയുടെ അപേക്ഷാ ഫോമിൽ ആവശ്യമായ വ്യക്തിഗത വിവരങ്ങളും പ്രവാസി വിവരങ്ങളും കൃത്യമായി പൂരിപ്പിക്കുക.രേഖകൾ അപ്‌ലോഡ് ചെയ്യുക: വില്ലേജ് വരുമാന സർട്ടിഫിക്കറ്റ്, പാസ്‌പോർട്ട് കോപ്പി, റേഷൻ കാർഡ്, ചികിത്സാ/വിവാഹ/മരണ സർട്ടിഫിക്കറ്റുകൾ എന്നിവ സ്കാൻ ചെയ്ത് അപ്‌ലോഡ് ചെയ്യുക.സബ്മിറ്റ് ചെയ്യുക: വിവരങ്ങൾ ഉറപ്പുവരുത്തിയ ശേഷം അപേക്ഷ ഓൺലൈനായി സമർപ്പിക്കുക

നോർക്ക റൂട്ട്സ് പോർട്ടലിൽ സാന്ത്വന പദ്ധതിക്കായി രേഖകൾ അപ്‌ലോഡ് ചെയ്യുമ്പോൾ :1. ഫയൽ ഫോർമാറ്റ് (File Format)അപ്‌ലോഡ് ചെയ്യുന്ന സർട്ടിഫിക്കറ്റുകളും മറ്റ് രേഖകളും പ്രധാനമായും PDF അല്ലെങ്കിൽ JPEG / JPG ഫോർമാറ്റുകളിൽ ആയിരിക്കണം.അപേക്ഷകന്റെ ഫോട്ടോയും ഒപ്പും എപ്പോഴും JPEG / JPG ഫോർമാറ്റിൽ തന്നെ തയ്യാറാക്കാൻ ശ്രദ്ധിക്കുക.

2. ഫയൽ സൈസ് (File Size)പൊതുവായി അപ്‌ലോഡ് ചെയ്യുന്ന ഓരോ രേഖയുടെയും ഫയൽ സൈസ് 1 MB-ൽ താഴെ (ചില സർട്ടിഫിക്കറ്റുകൾക്ക് പരമാവധി 500 KB വരെ) ആയിരിക്കണം.പാസ്‌പോർട്ട് സൈസ് ഫോട്ടോ, ഒപ്പ് എന്നിവയുടെ സൈസ് 50 KB-ൽ താഴെ ആയിരിക്കുന്നതാണ് അനുയോജ്യം.പ്രധാന മുൻകരുതലുകൾ:വ്യക്തത ഉറപ്പാക്കുക: മൊബൈലിൽ രേഖകളുടെ ഫോട്ടോ എടുത്ത് അപ്‌ലോഡ് ചെയ്യുമ്പോൾ അക്ഷരങ്ങളും സീലും വ്യക്തമായി കാണാം എന്ന് ഉറപ്പുവരുത്തുക.

മങ്ങലേറ്റ രേഖകൾ അപേക്ഷ നിരസിക്കപ്പെടാൻ കാരണമായേക്കാം.  

പിഡിഎഫ് ലയനം: പാസ്‌പോർട്ടിന്റെ മുൻ പേജ്, വിലാസമുള്ള പേജ്, എമിഗ്രേഷൻ പേജുകൾ എന്നിവ വെവ്വേറെ അപ്‌ലോഡ് ചെയ്യുന്നതിന് പകരം അവയെല്ലാം ഒറ്റ PDF ഫയലാക്കി മാറ്റി അപ്‌ലോഡ് ചെയ്യുന്നതാണ് നല്ലത്.ഫയലിന്റെ പേര്: അപ്‌ലോഡ് ചെയ്യുന്ന ഫയലുകളുടെ പേരിൽ (File name) സ്പെഷ്യൽ കാരക്ടറുകൾ (ഉദാഹരണത്തിന്: @, #, $, *, %, / ) ഒഴിവാക്കുക. passport.pdf അല്ലെങ്കിൽ income_certificate.jpg എന്നിങ്ങനെ ലളിതമായ പേരുകൾ നൽകുക.