കുവൈറ്റില് തൊഴിലാളികളെ ദുരിതത്തിലാക്കിയ കമ്പനി ഉടമയും ഉദ്യോഗസ്ഥരും പിടിയില്
കുവൈറ്റില് ശമ്പളം നല്കാതെയും താമസസൗകര്യം ഒരുക്കാതെയും തൊഴിലാളികളെ ദുരിതത്തിലാക്കിയ കമ്പനിക്കെതിരെ അധികൃതര് കര്ശന നടപടി സ്വീകരിച്ചു. ലേബര് തര്ക്കത്തെത്തുടര്ന്ന് കമ്പനി ഉടമയെയും മറ്റ് ഉദ്യോഗസ്ഥരെയും ക്രിമിനല് ഇന്വെസ്റ്റിഗേഷന് ഡിപ്പാര്ട്ട്മെന്റിന് കൈമാറി.
തൊഴിലാളികള് നല്കിയ പരാതിയുടെ അടിസ്ഥാനത്തില് പബ്ലിക് അതോറിറ്റി ഫോര് മാന്പവര് നടത്തിയ അന്വേഷണത്തിലാണ് കമ്പനിയുടെ നിയമലംഘനങ്ങള് കണ്ടെത്തിയത്. മാസങ്ങളായി ശമ്പളം ലഭിക്കാത്തതും, മനുഷ്യത്വരഹിതമായ സാഹചര്യത്തില് കഴിയേണ്ടി വന്നതും ചൂണ്ടിക്കാട്ടി നൂറുകണക്കിന് തൊഴിലാളികളാണ് പ്രതിഷേധവുമായി രംഗത്തെത്തിയത്.
തൊഴിലാളികളുടെ പ്രശ്നങ്ങള് പരിഹരിക്കുന്നതില് കമ്പനി പരാജയപ്പെട്ടതോടെയാണ് അധികൃതര് കടുത്ത നടപടികളിലേക്ക് നീങ്ങിയത്. പിടിയിലായവര്ക്കെതിരെ റെസിഡന്സി നിയമലംഘനം, മനുഷ്യക്കടത്ത് തുടങ്ങിയ കുറ്റങ്ങള് ചുമത്തിയേക്കും. കുവൈറ്റിലെ തൊഴില് നിയമങ്ങള് പാലിക്കാത്തവര്ക്കെതിരെ ഒരു വിട്ടുവീഴ്ചയും ഉണ്ടാകില്ലെന്ന് ആഭ്യന്തര മന്ത്രാലയം മുന്നറിയിപ്പ് നല്കി.
തൊഴിലാളികളുടെ കുടിശ്ശിക തീര്പ്പാക്കുന്നതിനും അവരെ മറ്റ് കമ്പനികളിലേക്ക് മാറ്റുന്നതിനോ അല്ലെങ്കില് നാട്ടിലേക്ക് അയക്കുന്നതിനോ ഉള്ള നടപടികള് അധികൃതര് ആരംഭിച്ചിട്ടുണ്ട്.
https://www.facebook.com/Malayalivartha
