ദുബായ് സമ്മര്‍ സര്‍പ്രൈസസ് 2016 ല്‍ ജംഗിള്‍ ബുക്കിലെ കഥാപാത്രങ്ങളെ സിറ്റി വാക്ക് അണിനിരത്തുന്നു. ഗുഹയും മലയും മരങ്ങളും വള്ളികളുമുള്ള വനം ഒരുക്കിയാണ് കുട്ടികളെയും കുടുംബങ്ങളെയും സിറ്റി വാക്ക് സ്വാഗതംചെയ്യുന്നത്.
ഇഷ്ടകഥാപാത്രങ്ങള്‍ക്കൊപ്പം സെല്‍ഫിയെടുക്കാനും സൗകര്യം ഒരുക്കിയിട്ടുണ്ട്. ആഗസ്ത് 20 വരെ ഹബ് സീറോയ്ക്കു സമീപത്തെ മുല്‍തക്കാ അല്‍ അദ്വായിലാണ് പരിപാടി ഒരുക്കിയിരിക്കുന്നത്. എന്നും വൈകീട്ട് നാലുമുതല്‍ രാത്രി 10 വരെ പ്രവേശനം ഉണ്ടാകും.

മൗഗ്ലി, ബാലു, ബഗീര, ഷേര്‍ഖാന്‍; തുടങ്ങിയ കഥാപാത്രങ്ങള്‍ അരങ്ങിലെത്തുന്ന സ്‌റ്റേജ് ഷോയാണ് മറ്റൊരു ആകര്‍ഷണം. ജൂലായ് 21ന് തുടങ്ങിയ പ്രദര്‍ശനം 30 വരെ തുടരും. ജംഗിള്‍ബുക്ക് തത്സമയപ്രദര്‍ശനം വൈകീട്ട് 4.30, 7.30, 9.30 എന്നിങ്ങനെയാണ്.

മീറ്റ് ആന്‍ഡ് ഗ്രീറ്റ് വൈകീട്ട് 5.20, 8.00, 10.00 എന്നീ സമയങ്ങളിലുമാണ് ക്രമീകരിച്ചിരിക്കുന്നത്. മേരാസ് ആണ് ഷോ ഒരുക്കുന്നത്.